തിരുവനന്തപുരം: നെയ്യാറ്റിന്കരയില് പ്രായപൂര്ത്തിയാകാത്ത പെണ്കുട്ടിയെ തട്ടിക്കൊണ്ടുപോയി പീഡിപ്പിച്ച് ഗര്ഭിണിയാക്കിയ പ്രതിക്ക് 25 വര്ഷം കഠിനതടവും നാല് ലക്ഷത്തി പതിനായിരം രൂപ പിഴയും ശിഷ. ഒറ്റശേഖരമംഗലം പ്ലാമ്പഴിഞി പാലുകോണം വീട്ടില് പ്രശാന്തി(36) നെയാണ് കോടതി ശിക്ഷിച്ചത്. നെയ്യാറ്റിന്കര പോക്സോ കോടതി ജഡ്ജി കെ. പ്രസന്നയാണ് വിധി പറഞ്ഞത്.
സ്കൂള് വിദ്യര്ത്ഥിനിയായിരുന്ന അതിജീവിതയെ പ്രതി വിവാഹ വാഗ്ദാനം നല്കി തട്ടിക്കൊണ്ട് പോയാണ് പീഡിപ്പിച്ചത്. പ്രതി വിഹാഹം കഴിഞ്ഞതിനു ശേഷവും ഈ പീഡനം തുടര്ന്നുകൊണ്ടിരുന്നു. ആര്യംകോട് പോലിസ് രജിസ്റ്റര് ചെയ്ത കേസില് ഇന്സ്പെക്ടര്മാരായ എന് ജിജി, ജെ മോഹന്ദാസ്, പി എം രവിന്ദ്രന് എന്നിവരാണ് കേസ് അന്വേഷിച്ചത്. 17 സാക്ഷികളെയും 18 രേഖകളും പ്രോസിക്യൂഷന് ഭാഗത്ത് നിന്ന് ഹാജരാക്കി. സ്പെഷ്യല് പബ്ളിക് പ്രോസിക്യൂട്ടര് പൂവച്ചല് എഫ്. വിനോദ് പ്രോസിക്യൂഷനു വേണ്ടി ഹാജരായി.
