കൊച്ചി: മംഗലാപുരം, കോയമ്പത്തൂര് സ്ഫോടനക്കേസുകളുമായി ബന്ധപ്പെട്ട് കേരളം ഉള്പ്പടെ മൂന്ന് സംസ്ഥാനങ്ങളില് എന്ഐഎ പരിശോധന. എറണാകുളത്ത് ആലുവയിലും പറവൂരിലും മട്ടാഞ്ചേരിയിലുമാണ് പരിശോധന നടക്കുന്നത്. കേരളം, തമിഴ്നാട്, കര്ണാടക എന്നിവിടങ്ങളില് അറുപതോളം കേന്ദ്രങ്ങളില് ഇന്ന് രാവിലെയാണ് പരിശോധന ആരംഭിച്ചത്. സ്ഫോടനക്കേസിലെ പ്രതികള് എത്തിയ സ്ഥലങ്ങളിലാണ് പരിശോധന നടക്കുന്നത്. റെയ്ഡിനെ കുറിച്ച് കൂടുതല് വിവരങ്ങള് പുറത്തുവന്നിട്ടില്ല. 2022 ഒക്ടോബറില് കോയമ്പത്തൂര് കോട്ടൈ ഈശ്വര ക്ഷേത്രത്തിന് സമീപം സ്ഫോടക വസ്തുക്കളുമായെത്തിയ കാര് പൊട്ടിത്തെറിച്ചുണ്ടായ സ്ഫോടനത്തില് കൊല്ലപ്പെട്ട ജമീഷ മുബീന്റെ ഭാര്യയുടെ മൊഴിയില് നിന്ന് കിട്ടിയ വിവരങ്ങളുടെ അടിസ്ഥാനത്തിലാണ് റെയ്ഡ് നടക്കുന്നത്.