മഞ്ചേരിയില്‍ പ്രായപൂര്‍ത്തിയാകാത്ത മകളെ പീഡിപ്പിച്ചയാള്‍ക്ക് 44 വര്‍ഷം കഠിന തടവും അഞ്ചു ലക്ഷം പിഴയും ശിക്ഷ. അരീക്കോട് കീഴുപറമ്പ് സ്വദേശിയെയാണ് മഞ്ചേരി അതിവേഗ സ്‌പെഷ്യല്‍ കോടതി ശിക്ഷിച്ചത്.
പോക്‌സോ ആക്ട് പ്രകാരം 30 വര്‍ഷം കഠിന തടവ്, മൂന്ന് ലക്ഷം രൂപ പിഴ, പിഴയടച്ചില്ലെങ്കില്‍ മൂന്നു വര്‍ഷത്തെ അധിക കഠിന തടവ്, തടഞ്ഞുവച്ചതിന് ആറുമാസം കഠിന തടവ് എന്നിങ്ങനെയാണ് ശിക്ഷ. പോക്‌സോ ആക്ടിലെതന്നെ 9(എല്‍), 9(എന്‍) എന്നീ വകുപ്പുകളിലും ഏഴു വര്‍ഷംവീതം കഠിന തടവ്, ഒരു ലക്ഷം രൂപ പിഴ എന്നിങ്ങനെയും ശിക്ഷയുണ്ട്. പ്രതി പിഴയടയ്ക്കുന്നപക്ഷം തുക അതിജീവിതയ്ക്ക് നല്‍കണമെന്നും ജഡ്ജി എസ് രശ്മി വിധിച്ചു.
കുട്ടിക്ക് സര്‍ക്കാരിന്റെ വിക്ടിം കോംപന്‍സേഷന്‍ ഫണ്ടില്‍നിന്ന് നഷ്ടപരിഹാരം ലഭ്യമാക്കാന്‍ വേണ്ട നടപടി സ്വീകരിക്കുന്നതിന് കോടതി ജില്ലാ ലീഗല്‍ സര്‍വീസസ് അതോറിറ്റിക്ക് നിര്‍ദേശവും നല്‍കി. 15 സാക്ഷികളെ വിസ്തരിച്ചു. 19 രേഖകളും രണ്ട് തൊണ്ടിമുതലും ഹാജരാക്കി. പെണ്‍കുട്ടി എട്ടാം ക്ലാസില്‍ പഠിക്കുന്ന സമയംമുതല്‍ 2022 നവംബര്‍ 16വരെ പലതവണ പീഡിപ്പിച്ചുവെന്നാണ് പ്രോസിക്യൂഷന്‍ കേസ്. പ്രതിയെ തവനൂര്‍ സെന്‍ട്രല്‍ ജയിലിലേക്കയച്ചു.
ഞലമറ ാീൃല: വേേു:െ//ംംം.റലവെമയവശാമിശ.രീാ/ിലം/െസലൃമഹമ/ിലംെ24062023/1099935
