മലപ്പുറം: വഴിക്കടവ് പഞ്ചായത്തില് രണ്ട് വ്യക്തികള്ക്ക് കോളറ സ്ഥിരീകരിച്ചു. പൊതുജനങ്ങള് എല്ലാവരും തന്നെ ജാഗ്രത പാലിക്കണമെന്ന് ജില്ലാ മെഡിക്കല് ഓഫീസര് രേണുക ആര് അറിയിച്ചു. സമാന രോഗലക്ഷണങ്ങളുമായി മറ്റു 14 പേര് കൂടി ചികിത്സ തേടിയിട്ടുണ്ട് എന്നത് രോഗം പടര്ന്നു പിടിക്കാനുള്ള സൂചന നല്കുന്നുണ്ട്. എട്ട് പേര് വിവിധ ആശുപത്രികളിലായി ചികിത്സയില് ആണ്.
വഴിക്കടവ് പഞ്ചായത്തിലെ വഴിക്കടവ് ടൗണിലൂടെ ഒഴുകുന്ന കാരക്കോടം പുഴയില് സ്ഥിതി ചെയ്യുന്ന പമ്പിങ് സ്റ്റേഷനില് നിന്നും വരുന്ന ജലനിധിയുടെ വെള്ളവും, മറ്റു കിണറുകളിലെ വെള്ളവും ഉപയോഗിക്കുന്നവര്ക്കാണ് നിലവില് രോഗലക്ഷണങ്ങള് കണ്ടത്. ഇതേ പുഴയിലേക്ക് തന്നെ സമീപത്തുള്ള നിരവധി ഹോട്ടലുകളില് നിന്നുള്ള മലിനജലം ഒഴുക്കിവിടുന്നുണ്ട്. ജില്ലാ മെഡിക്കല് ഓഫീസര് ഡോ ആര് രേണുകയുടെ യുടെ നേതൃത്വത്തില് ജില്ലാ മെഡിക്കല് ഓഫീസില് നിന്നും വിദഗ്ധ സംഘം സ്ഥലം സന്ദര്ശിക്കുകയും; പ്രതിരോധ നടപടികള് വിലയിരുത്തുകയും ആവശ്യമായ നിര്ദേശങ്ങള് നല്കുകയും ചെയ്തു
