അബുദാബി: അബുദാബിയില് മാലിന്യ ടാങ്കിലെ വിഷവാതകം ശ്വസിച്ച് രണ്ട് മലയാളികള് ഉള്പ്പെടെ മൂന്ന് ഇന്ത്യക്കാര് മരിച്ചു.പത്തനംതിട്ട കോന്നി സ്വദേശി അജിത് വള്ളിക്കോട് (40), പാലക്കാട് സ്വദേശി രാജ്കുമാര് (38) എന്നീ മലയാളികളും ഒരു പഞ്ചാബ് സ്വദേശിയുമാണ് മരണപ്പെട്ടത്. ടാങ്ക് വൃത്തിയാക്കാന് ഇറങ്ങിയതായിരുന്നു ഇവര്. ദാരുണമായ സംഭവം നടന്നത് അബുദാബി അല് റിം ഐലന്റിലുള്ള സിറ്റി ഓഫ് ലൈറ്റ്സ് എന്ന കെട്ടിടത്തിലായിരുന്നു. ഇന്നലെ ഉച്ചയ്ക്കായിരുന്നു അപകടം. മരിച്ച മൂന്ന് പേരും ഏറെ നാളായി ഒരേ കമ്പനിയില് ജോലി ചെയ്തുവരികയായിരുന്നു.
അടച്ചിട്ടിരുന്ന മാലിന്യ ടാങ്ക് വൃത്തിയാക്കുന്നതിനിടെ അജിത് കാലുതെറ്റി ടാങ്കിലേക്ക് വീഴുകയായിരുന്നു. അജിത്തിനെ രക്ഷിക്കാന് ശ്രമിക്കുന്നതിനിടെയാണ് മറ്റ് രണ്ടുപേരും അപകടത്തില്പെട്ടത്. മൂന്ന് മീറ്ററിലധികം താഴ്ചയാണ് ടാങ്കിന് ഉണ്ടായിരുന്നത്. മരിച്ചവരുടെ മൃതദേഹം അബുദാബിയിലെ ഒരു സ്വകാര്യ ആശുപത്രിയില് സൂക്ഷിച്ചിരിക്കുകയാണ്. മൃതദേഹങ്ങള് നടപടിക്രമങ്ങള്ക്ക് ശേഷം നാട്ടിലെത്തിക്കും.
