വീട്ടമ്മയുടെ നഗ്ന ചിത്രം പകര്ത്തി പ്രചരിപ്പിച്ച സംഭവത്തില് മൂന്നുപേര് അറസ്റ്റില്. കരുനാഗപ്പള്ളി തഴവ പാനാറ തെക്കതില് രതീഷ് (39), വള്ളികുന്നം കടുവിനാല് കാഞ്ഞുകളീക്കല് വീട്ടില് ഗിരീഷ് കുമാര് (36), വള്ളികുന്നം ഇലിപ്പക്കുളം വിഷ്ണുഭവനത്തില് വിനീത് (28) എന്നിവരാണ് അറസ്റ്റിലായത്. ഗിരീഷ്കുമാറും വിനീതും ആര്എസ്എസിന്റെ മുഖ്യചുമതലക്കാരാണ്.
വീട്ടുജോലി വാഗ്ദാനം ചെയ്ത് വീട്ടമ്മയെ ഓട്ടോറിക്ഷയില് കയറ്റി നൂറനാട്ടുള്ള ബന്ധു വീട്ടില് എത്തിച്ച ഒന്നാം പ്രതി രതീഷ് ഭീഷണിപ്പെടുത്തി നഗ്നചിത്രങ്ങള് പകര്ത്തിയ ശേഷം ബലാത്സംഗം ചെയ്തു. പകര്ത്തിയ ചിത്രങ്ങള് ഗിരീഷ്കുമാറിന്റെയും വിനീതിന്റെയും മൊബൈല് ഫോണുകളിലേക്ക് അയച്ച് സാമൂഹ്യമാധ്യമങ്ങളില് പ്രചരിപ്പിച്ചതായി പൊലീസ് പറഞ്ഞു. ആര്എസ്എസിലെ ഗ്രൂപ്പ് കുടിപ്പകയാണ് സംഭവത്തിനു പിന്നിലെന്ന് പ്രദേശവാസികള് പറയുന്നു.
ചെങ്ങന്നൂര് ഡിവൈഎസ്പി എം കെ ബിനുകുമാര്, വള്ളികുന്നം സിഐ എം എം ഇഗ്നേഷ്യസ്, എസ്ഐമാരായ മധുകുമാര്, തോമസ്, എഎസ്ഐ രാധാമണി, സിപിഒമാരായ വിഷ്ണു, അനസ് എന്നിവരുടെ നേതൃത്വത്തിലുള്ള സംഘമാണ് പ്രതികളെ പിടികൂടിയത്. കായംകുളം മജിസ്ട്രേട്ട് കോടതിയില് ഹാജരാക്കിയ പ്രതികളെ റിമാന്ഡ് ചെയ്തു.