കുറ്റിപ്പുറം : രാജ്യത്തെ മികച്ച പോലീസ് സ്റ്റേഷനുകളിൽ ഇടം പിടിച്ച കുറ്റിപ്പുറം പോലീസ് സ്റ്റേഷനിലേക്ക് വീണ്ടും പുരസ്കാര തിളക്കം. കുറ്റിപ്പുറം എസ്ഐ വാസുണ്ണിക്ക് സംസ്ഥാന പോലീസ് മേധാവിയുടെ ബാഡ്ജ് ഓഫ് ഹോണർ പുരസ്‌കാരം നേടി. കഴിഞ്ഞ അഞ്ചു ദിവസത്തിനുള്ളിൽ രണ്ടാമത്തെ പുരസ്‌കാരമാണ് കുറ്റിപ്പുറം സ്റ്റേഷനിൽ എത്തുന്നത്. തവനൂർ അതളൂർ സ്വദേശിയായ ഇദ്ദേഹം കഴിഞ്ഞ മൂന്നു വർഷമായി കുറ്റിപ്പുറം പോലീസ് സ്റ്റേഷന്റെ ഭാഗമാണ്. 2020 കേരള മുഖ്യമന്ത്രി യുടെ വിശിഷ്ട സേവനത്തിനുള്ള മെഡൽ, 2021 കേന്ദ്ര ആഭ്യന്തര മന്ത്രാലയത്തിന്റെ അതി ഉത്കൃഷ്ട സേവാ പതക്കം എന്നിവ നേടിയിട്ടുണ്ട്. വിമലയാണ് ഭാര്യ. വിസ്മയ, അഞ്ജന, ഭവന, ചന്ദന, നിഖിൽ കൃഷ്ണൻ (മരുമകൻ) എന്നിവരാണ് മക്കൾ.
