കണ്ണൂരില് ബസുമായി കൂട്ടിയിടിച്ച ഓട്ടോറിക്ഷയ്ക്ക് തീപിടിച്ച് ഓട്ടോ െ്രെഡവറും യാത്രക്കാരനും വെന്തുമരിച്ചു. കതിരൂര് ആറാംമൈല് പള്ളിക്ക് സമീപം വെള്ളിയാഴ്ച രാത്രി 8.30ഓടെയാണ് അപകടമുണ്ടായത്. പാനൂര് പാറാട് സ്വദേശികളും അയല്വാസികളുമായ പിലാവുള്ളതില് അഭിലാഷ് (36), ഷജീഷ് (30) എന്നിവരാണ് മരിച്ചത്.
തലശ്ശേരികൂത്തുപറമ്പ് റോഡില് ആറാംമൈലിന് സമീപം മൈതാനപ്പള്ളിയിലാണ് ദാരുണമായ അപകടമുണ്ടായത്. തലശ്ശേരി ഭാഗത്തുനിന്ന് വന്ന എം ഫോര് സിക്സ് ബസും സിഎന്ജിയില് ഓടുന്ന കെ എല് 58 എജി 4784 ഓട്ടോയുമാണ് അപകടത്തില്പ്പെട്ടത്.
ഇടിയുടെ ആഘാതത്തില് റോഡിലേക്ക് മറിഞ്ഞ ഓട്ടോയില് തല്ക്ഷണം തീപടര്ന്നു. വന്തോതില് തീപടര്ന്നതോടെ െ്രെഡവറും യാത്രക്കാരനും ഓട്ടോയില് കുടുങ്ങിപ്പോവുകയായിരുന്നു. തീ ആളിക്കത്തിയോടെ സമീപത്തുണ്ടായിരുന്നവര്ക്ക് ആര്ക്കും സമീപത്തേക്ക് അടുക്കാനോ തീ അണയ്ക്കാനോ സാധിച്ചില്ല.
അഗ്നിരക്ഷാ സേന ഉള്പ്പെടെ സ്ഥലത്തെത്തിയാണ് തീ പൂര്ണമായും അണച്ചത്. ഇരുവരുടെയും മൃതദേഹം തലശ്ശേരി ജനറല് ആശുപത്രിയിലേക്ക് മാറ്റി.
