സംസ്ഥാനത്ത് സ്വർണവിലയിൽ തുടർച്ചയായ ഇടിവ്. ഇന്ന് മാത്രം 22 കാരറ്റ് സ്വർണത്തിന് പവന് 2,040 രൂപയാണ് കുറഞ്ഞത്. ഗ്രാമിന് 255 രൂപ കുറഞ്ഞതോടെ ഒരു ഗ്രാം സ്വർണത്തിന്റെ വില 12,215 രൂപയായി. ഒരു പവൻ സ്വർണത്തിന് ഇന്ന് 97,720 രൂപ നൽകണം.
24 കാരറ്റ് സ്വർണത്തിന് ഗ്രാമിന് 13,679 രൂപയും 18 കാരറ്റ് സ്വർണത്തിന് 10,259 രൂപയുമാണ് ഇന്നത്തെ വില. മാസങ്ങൾക്കുശേഷം ഇന്നലെയാണ് സ്വർണവില ഒരു ലക്ഷത്തിന് താഴെയെത്തിയത്. തുടർച്ചയായ വിലയിടിവ് സ്വർണം വാങ്ങാനിരിക്കുന്നവർക്ക് വലിയ ആശ്വാസമാണ് നൽകുന്നത്.
ഡോളർ കരുത്താർജിച്ചതടക്കമുള്ള അന്താരാഷ്ട്ര വിപണിയിലെ ഘടകങ്ങളാണ് സ്വർണവിലയിലെ മാറ്റത്തിന് പ്രധാന കാരണങ്ങളെന്നാണ് വിലയിരുത്തൽ. ലോകത്തെ ഏറ്റവും വലിയ സ്വർണ ഉപഭോക്താക്കളിലൊന്നായ ഇന്ത്യയിൽ അന്താരാഷ്ട്ര വിപണിയിലെ വിലമാറ്റങ്ങൾ ആഭ്യന്തര വിപണിയെയും സ്വാധീനിക്കുന്നുണ്ട്. ഇതിന്റെ പ്രതിഫലനം കേരളത്തിലെ സ്വർണവിപണിയിലും പ്രകടമാകുകയാണ്.




