കൽപ്പറ്റ: വൈത്തിരി പൊലീസ് സ്റ്റേഷൻ പരിധിയിൽ സ്ഥിരമായി കഞ്ചാവ് വിൽപ്പന നടത്തിയിരുന്നയാൾ പിടിയിൽ. മേപ്പാടി കെ.ബി റോഡ് പഴയേടത്ത് വീട്ടിൽ കെ. ഫ്രാൻസിസ് എന്ന ഫ്രാഞ്ചി, 54, ആണ് പിടിയിലായത്.
കഴിഞ്ഞ ദിവസം വൈകീട്ട് വൈത്തിരി ടൗണിൽ സംശയാസ്പദമായ സാഹചര്യത്തിൽ കണ്ട ഫ്രാഞ്ചിയെ പൊലീസ് പരിശോധിക്കുകയായിരുന്നു. പരിശോധനയിൽ 51.57 ഗ്രാം കഞ്ചാവ്, കഞ്ചാവ് വിൽപ്പനയ്ക്കായി ഉപയോഗിച്ചിരുന്ന സിപ്പ് ലോക്ക് കവറുകൾ, ലഹരി വിൽപ്പനയിലൂടെ ലഭിച്ചതെന്ന് പൊലീസ് പറയുന്ന 5,580 രൂപ എന്നിവ കണ്ടെടുത്തു.
വൈത്തിരി, കൽപ്പറ്റ, മേപ്പാടി പൊലീസ് സ്റ്റേഷനുകളിലായി ഇയാൾക്കെതിരെ നിരവധി ലഹരിക്കേസുകൾ നിലവിലുണ്ടെന്ന് പൊലീസ് അറിയിച്ചു.
വൈത്തിരി സ്റ്റേഷൻ സബ് ഇൻസ്പെക്ടർ എം. സൗജലിന്റെ നേതൃത്വത്തിൽ സീനിയർ സിവിൽ പൊലീസ് ഓഫീസർ മുഹമ്മദ് ഷരീഫ്, സിവിൽ പൊലീസ് ഓഫീസർമാരായ അനൂപ്, രതിലാഷ്, ജോബിൻ എന്നിവരടങ്ങിയ സംഘമാണ് പരിശോധന നടത്തിയത്.
