പൂരം കലക്കല് അന്വേഷണം അട്ടിമറിക്കാന് മുഖ്യമന്ത്രി ശ്രമിച്ചുവെന്ന് പ്രതിപക്ഷ നേതാവ് വി ഡി സതീശന്. സുരേഷ് ഗോപിയെ രക്ഷകന്റെ വേഷം കെട്ടിച്ച് മുഖ്യമന്ത്രിയുടെ അറിവോടെ പൂരം കലക്കിയെന്നും സതീശന് വ്യക്തമാക്കി. പൂരം കലക്കലിലെ അന്വേഷണം ഫലപ്രദമല്ല. ആര്എസ്എസിനെ മുഖ്യമന്ത്രി സന്തോഷിപ്പിക്കുന്നു.
വെടിക്കെട്ട് മാത്രമല്ല പല ചടങ്ങുകളും വൈകിപ്പിച്ചുവെന്നും സതീശന് പറഞ്ഞു. കേസെടുത്താല് മുഖ്യമന്ത്രി ഒന്നാം പ്രതിയാണ്. സിപിഐ പോലും പൂരം കലക്കിയതാണെന്ന് പറഞ്ഞു. എല്ഡിഎഫിന്റെ മുന്നണികളില് ഭിന്നതയുണ്ട്. കോണ്ഗ്രസില് ഒരു കുഴപ്പവുമില്ല.
സിപിഐഎം ഉപതെരഞ്ഞെടുപ്പ് ലക്ഷ്യമിട്ട് ഭൂരിപക്ഷ പ്രീണനം നടത്തുകയാണെന്ന് വി.ഡി സതീശന് പറഞ്ഞു. അവസരവാദ രാഷ്ട്രീയമാണ് സിപിഐഎം സ്ഥിരമായി പയറ്റുന്നത്. ന്യൂനപക്ഷ പ്രീണനമായിരുന്നു ലോക്സഭാ തെരഞ്ഞെടുപ്പില്. പക്ഷേ അത് കിട്ടില്ലെന്ന് മനസ്സിലായപ്പോള് നയം മാറ്റുകയാണ്. സിപിഐഎമ്മിനെ പിന്തുണച്ചപ്പോള് ജമാഅത്തെ ഇസ്ലാമി നല്ലവരായിരുന്നു.വോട്ട് കിട്ടില്ലെന്നായപ്പോള് അവര് കുഴപ്പക്കാരായി. പിണറായി വിജയന് മദനിക്ക് വേണ്ടി വേദിയില് കാത്തിരുന്നയാളാണ്. ഇപ്പോള് ഭൂരിപക്ഷ വോട്ട് ലക്ഷ്യം വെച്ച് എല്ലാം തിരുത്തുകയാണ്. പിണറായിക്ക് പറയാനുള്ളത് ജയരാജനെക്കൊണ്ട് പറയിപ്പിക്കുകയാണെന്നും സതീശന് പറഞ്ഞു. എം.ആര് അജിത്കുമാറാണ് അതിന് നേതൃത്വം നല്കിയത്.
പൂരം കലങ്ങിയിട്ടില്ലെങ്കില് പിന്നെ എന്തിനാണ് അന്വേഷണം പ്രഖ്യാപിച്ചതെന്ന് അദ്ദേഹം ചോദിച്ചു. തൃശൂരില് എല്ഡിഎഫ് സ്ഥാനാര്ഥിയായിരുന്ന വി.എസ് സുനില്കുമാര് തന്നെ പറഞ്ഞത് പൂരം കലങ്ങിയെന്നാണ്. നാല് തലത്തിലുള്ള അന്വേഷണം പ്രഖ്യാപിച്ചിട്ട് പൂരം കലങ്ങിയിട്ടില്ലെന്ന് അതിന്റെ തലപ്പത്തിരിക്കുന്ന മുഖ്യമന്ത്രി പറയുന്നത് അന്വേഷണത്തെ സ്വാധീനിക്കും. ഉദ്യോഗസ്ഥര്ക്ക് മുഖ്യമന്ത്രി പറഞ്ഞതിന് എതിരായി റിപ്പോര്ട്ട് കൊടുക്കാനാവില്ലെന്നും സതീശന് പറഞ്ഞു.
