പിഴ കുറഞ്ഞതിന് അസിസ്റ്റന്റ് മോട്ടോര്‍ വെഹിക്കിള്‍ ഉദ്യോഗസ്ഥനെ സസ്‌പെന്‍ഡ് ചെയ്തു. ആലപ്പുഴ എന്‍ഫോഴ്‌സ്‌മെന്റ് ആര്‍ ടി ഒ ഉദ്യോഗസ്ഥന് രുഥന്‍ മോഹനെയാണ് സസ്‌പെന്‍ഡ് ചെയ്തത്. റോഡ് സുരക്ഷ പ്രവര്‍ത്തനങ്ങള്‍ നടത്തിയില്ലെന്ന് കണ്ടെത്തിയാണ് രുഥന്‍ മോഹനെ സസ്‌പെന്‍ഡ് ചെയ്തത്. കൃത്യവിലോപവും, കോടതി വിധികളുടെ ലംഘനമാണെന്നും കണ്ടെത്തിയാണ് നടപടി.
അതേസമയം ഉദ്യോഗസ്ഥന് ‘ജോലി ചെയ്യുന്നില്ല’ എന്നാണ് നടപടി എടുത്തതിന് മേലുദ്യോഗസ്ഥര്‍ നല്‍കുന്ന വിശദീകരണം. ‘ ഉദ്യോഗസ്ഥന് ഡ്യൂട്ടി വീഴ്ച വരുത്തിയതിനാണ് സസ്‌പെന്‍ഷന്‍ എന്ന് വിശദീകരണം. നിരവധി തവണ മുന്നറിയിപ്പുകള്‍ നല്‍കി. വീഴ്ച തുടര്‍ന്നതിനാലാണ് നടപടിയെന്നും വിശദീകരിച്ചു.
അതേസമയം ഉടുമ്പന്‍ചോല എംല്‍എ എം എം മണിയുടെ സ്ത്രീ വിരുദ്ധ പ്രസ്താവനയില്‍ ഗതാഗത വകുപ്പ് ഉദ്യോഗസ്ഥര്‍ ഇന്ന് സംസ്ഥാന വ്യാപക പ്രതിഷേധം സംഘടിപ്പിച്ചിട്ടുണ്ട്. നെടുങ്കണ്ടത്ത് കേരളാ അസിസ്റ്റന്റ് മോട്ടോര്‍ വെഹിക്കിള്‍ ഇന്‍സ്‌പെക്ടേഴ്‌സ് അസോസിയേഷന്‍ ആഹ്വാനം ചെയ്ത സമരത്തില്‍ സംസ്ഥാന നേതാക്കള്‍ പങ്കെടുക്കും. എല്ലാ താലൂക്ക് കേന്ദ്രങ്ങളിലും പ്രതിഷേധം നടക്കുമെന്നും അറിയിച്ചിട്ടുണ്ട്.
എം എം മണി മാപ്പ് പറയണമെന്നും സ്വതന്ത്രമായി ജോലി ചെയ്യാന്‍ അനുവദിക്കണമെന്നുമാണ് ആവശ്യം. അതേസമയം മോട്ടാര്‍ വാഹന വകുപ്പ് ഉദ്യോഗസ്ഥര്‍ സംസ്ഥാന വ്യാപകമായി സമരം നടത്തട്ടെ. നെടുങ്കണ്ടത്തെ ഉദ്യോഗസ്ഥന് വാഹന ഉടമകളെ അന്യായമായി ദ്രോഹിച്ചതിനാലാണ് പ്രതികരിച്ചത്. ഇത് തുടര്‍ന്നാല്‍ ഇനിയും അധിക്ഷേപിക്കും. ഉദ്യോഗസ്ഥന്മാര്‍ പണപ്പിരിവിന് തോന്ന്യാസം ചെയ്താല്‍ എതിര്‍ക്കാന്‍ തനിക്ക് ഒരു പേടിയുമില്ല. അവര്‍ രാഷ്ട്രീയം ആണ് കളിക്കുന്നത്. അവര്‍ ചെയ്യുന്ന തോന്നിയവാസത്തിന് പിണറായിയുടെ പേര് വലിച്ചിഴക്കേണ്ട കാര്യമില്ലെന്നും എംഎം മണി കൂട്ടിചേര്‍ത്തു.
