ബാങ്കോക്: അവസാന സിംഗിള്സില് മലയാളി താരം എച്ച്.എസ് പ്രണോയിയുടെ പോരാട്ടവീര്യത്തിന്റെ പിന്ബലത്തില് ഡെന്മാര്ക്കിനെ തകര്ത്ത് ഇന്ത്യന് പുരുഷ ടീം തോമസ് കപ്പ് ഫൈനലിലേക്ക്. ഡെന്മാര്ക്കിനെ 3-2 എന്ന നിലയില് തകര്ത്താണ് ഇന്ത്യ ഫൈനലിലേക്ക് കടന്നത്. ഡെന്മാര്ക്കിന്റെ റാസ്മസ് ഗെംകെയായിരുന്നു നിര്ണായക പോരാട്ടത്തില് പ്രണോയിയുടെ എതിരാളി. ഫൈനലില് ജപ്പാന് – ഇന്തൊനീഷ്യ മത്സരത്തിലെ വിജയികളെയാണ് ഇന്ത്യ നേരിടുക.നീണ്ട 43 വര്ഷത്തെ കാത്തിരിപ്പിന് വിരാമമിട്ടാണ് ഇന്ത്യന് ടീം അഞ്ച് തവണ ചാമ്പ്യന്മാരായ മലേഷ്യയെ 3-2 ന് പരാജയപ്പെടുത്തി സെമിയിലെത്തിയത്.