മാലിന്യനിര്‍മാര്‍ജനം വേഗത്തിലാക്കണമെന്ന ഹൈക്കോടതി ഉത്തരവിന്റെ പിന്നാലെ ഇത് കര്‍ശനമായി നടപ്പാക്കാന്‍ നിയമഭേദഗതിയുമായി സര്‍ക്കാര്‍. മാലിന്യനിര്‍മാര്‍ജനം പൂര്‍ണമായും തദ്ദേശസ്വയംഭരണ സ്ഥാപനങ്ങളുടെ ഉത്തരവാദിത്വമാക്കിയാണ് നിയമഭേദഗതി കൊണ്ടുവരുന്നത്. മാലിന്യനിര്‍മാര്‍ജനം ശരിയായ രീതിയില്‍ നടന്നില്ല എന്നുണ്ടെങ്കില്‍ ഉദ്യോഗസ്ഥര്‍ക്ക് ആയിരിക്കും അതിന്റെ പൂര്‍ണ്ണ ഉത്തരവാദിത്വം. വീഴ്ച വന്നാല്‍ ശമ്പളം തടയുന്നതടക്കമുള്ള നിയമനടപടികളും ഉണ്ടാവും. പൊതു സ്ഥലത്ത് മാലിന്യം മാലിന്യം വലിച്ചെറിഞ്ഞാല്‍ 250 രൂപയാണ് ഇപ്പോള്‍ പിഴ. ഇത് കുത്തിനെ കൂടുമെന്ന് തദ്ദേശസ്വയംഭരണ വകുപ്പ് അഡീഷണല്‍ ചീഫ് സെക്രട്ടറി ശാരദ മുരളീധരന്‍ പറഞ്ഞു.
2025 മാര്‍ച്ച് 31-നുള്ളില്‍ സമ്പൂര്‍ണ മാലിന്യമുക്ത കേരളമെന്ന പ്രഖ്യാപനമാണ് സര്‍ക്കാര്‍ ലക്ഷ്യമെങ്കിലും ഇതില്‍ ഹൈക്കോടതി ഇടപെട്ടു. ഒരു വര്‍ഷത്തിനുള്ളില്‍ നടപ്പാക്കണമെന്ന് നിര്‍ദേശിച്ചതോടെയാണ് നടപടികള്‍ക്ക് വേഗംകൂട്ടിയത്. പഞ്ചായത്തീരാജ് നിയമത്തിലടക്കം ഭേദഗതി വരുത്താനാണ് നീക്കം.
നഗരമേഖലകളില്‍ മാലിന്യപ്രശ്‌നം പരിഹരിച്ചില്ലെങ്കില്‍ കോര്‍പ്പറേഷന്‍ സെക്രട്ടറിമാരുടെശമ്പളംതടയും.
