ന്യൂഡല്‍ഹി: പൊതു ഇടങ്ങളില്‍ മാസ്‌ക് ധരിച്ചില്ലെങ്കിലും ആള്‍ക്കൂട്ട നിയന്ത്രണം ലംഘിച്ചാലും ഇനി മുതല്‍ കേസെടുക്കില്ല. സംസ്ഥാനങ്ങള്‍ക്ക് കേന്ദ്ര സര്‍ക്കാര്‍ ഇത് സംബന്ധിച്ച് നിര്‍ദേശം നല്‍കി. കേന്ദ്ര ആഭ്യന്തര സെക്രട്ടറി അജയ്ഭല്ല സംസ്ഥാനങ്ങള്‍ക്ക് കത്തെഴുതി. കോവിഡ് വ്യാപനത്തെതുടര്‍ന്ന് 2020ലാണ് മാസ്‌കും കൂടിച്ചേരല്‍ അടക്കമുള്ള നിയന്ത്രങ്ങള്‍ കേന്ദ്ര ആഭ്യന്തര മന്ത്രാലയം ഏര്‍പ്പെടുത്തിയത്. ആ ഉത്തരവിന്റെ കാലാവധിയാണ് മാര്‍ച്ച് 25ഓടെ അവസാനിക്കുന്നത്. ഇതിന് ശേഷം നിയന്ത്രണങ്ങള്‍ തുടരേണ്ടെന്നാണ് നിര്‍ദേശം.
