മലപ്പുറം: 75 വയസ്സെന്ന പ്രായപരിധിയില്‍ തട്ടി പി.പി.വാസുദേവന്‍ പുറത്തായപ്പോള്‍ ജില്ലയില്‍നിന്നു സിപിഎം സംസ്ഥാന സമിതിയില്‍ പുതുതായി ഇടം നേടിയത് എസ്എഫ്‌ഐ അഖിലേന്ത്യാ പ്രസിഡന്റ്
വി.പി.സാനു. ഈ ഒഴിവാക്കലും ഉള്‍പ്പെടുത്തലും സിപിഎമ്മിലെ തലമുറമാറ്റത്തിന്റെ നേര്‍ച്ചിത്രമായി. ജില്ലാ സെക്രട്ടറി ഇ.എന്‍.മോഹന്‍ദാസ്, പി.കെ.സൈനബ, പി.ശ്രീരാമകൃഷ്ണന്‍, പി.നന്ദകുമാര്‍ എംഎല്‍എ എന്നിവര്‍ സംസ്ഥാന സമിതിയില്‍ സ്ഥാനം നിലനിര്‍ത്തി.സംസ്ഥാന സെക്രട്ടേറിയറ്റില്‍ ഇത്തവണയും ജില്ലയ്ക്കു പ്രാതിനിധ്യമില്ല. പുതുതായി ഇടം കണ്ടെത്തിയ എം.സ്വരാജ്. ജില്ലക്കാരനാണെങ്കിലും എറണാകുളം കേന്ദ്രമായാണു പ്രവര്‍ത്തിക്കുന്നത്.2016 മുതല്‍ എസ്എഫ്‌ഐ അഖിലേന്ത്യാ പ്രസിഡന്റായ വി.പി.സാനു വളാഞ്ചേരി സ്വദേശിയാണ്.പിതാവ് വി.പി.സക്കറിയ പാര്‍ട്ടി ജില്ലാ കമ്മിറ്റിയംഗമാണ്. മലപ്പുറം പാര്‍ലമെന്റ് മണ്ഡലത്തില്‍ 2 തവണ മത്സരിച്ചിട്ടുള്ള സാനു നിലവില്‍ മലപ്പുറം ജില്ലാ കമ്മിറ്റി അംഗമാണ്. എ.വിജയരാഘവനു ശേഷം എസ്എഫ്‌ഐ അഖിലേന്ത്യാ പ്രസിഡന്റാകുന്ന ആദ്യ മലപ്പുറം ജില്ലക്കാരനാണ്..
