തൊടുപുഴ: വെങ്ങല്ലൂരിൽ വാഹനാപകടത്തിൽ യുവതി മരിച്ചു. വെങ്ങല്ലൂർ സ്വദേശിനി ജുബീന (35) ആണ് മരിച്ചത്. വെങ്ങല്ലൂർ–മങ്ങാട്ട് കവല ബൈപ്പാസ് റോഡിലായിരുന്നു അപകടം. റോഡ് പണിക്കായി എത്തിച്ച വാഹനവും ജുബീന സഞ്ചരിച്ചിരുന്ന ഇരുചക്രവാഹനവും കൂട്ടിയിടിച്ചാണ് അപകടമുണ്ടായത്. അപകടത്തിൽ ഗുരുതരമായി പരിക്കേറ്റ യുവതി മരിച്ചു. ആരോഗ്യവകുപ്പിലെ ജീവനക്കാരിയാണ് ജുബീന. മൃതദേഹം സമീപത്തെ സ്വകാര്യ ആശുപത്രിയിലേക്ക് മാറ്റി. അപകടത്തെക്കുറിച്ചുള്ള കൂടുതൽ വിവരങ്ങൾ ലഭ്യമായിട്ടില്ല.
