തവനൂര്: അട്ടപ്പാടിയില് ആദിവാസി യുവാവ് മധു കൊല്ലപ്പെട്ട കേസില് ശിക്ഷിക്കപ്പെട്ട 13 പ്രതികളെയാണ് തവനൂര് സെട്രല് ജയിലിലേക്ക് മാറ്റിയത്. പതിനാറാം പ്രതി മുനീറിനെ ഒഴിച്ച് പതിമൂന്ന് പേര്ക്കാണ് മണ്ണാര്ക്കാട് എസ്.സി -എസ്.ടി കോടതി കഠിന തടവ് വിധിച്ചത്. ഇതേ തുടര്ന്നാണ് പതിമൂന്ന് പ്രതികളെയും വെളളിയാഴ്ച്ച രാവിലെ മലമ്പുഴയില് നിന്നും തവനൂരിലേക്ക് കൊണ്ടുവന്നത്. ഒന്നാം പ്രതി ഹുസൈന്, രണ്ടാം പ്രതി മരക്കാര്, മൂന്നാം പ്രതി ഷംസുദ്ദീന്, അഞ്ചാം പ്രതി രാധാകൃഷ്ണന്, ആറാം പ്രതി അബൂബക്കര്, ഏഴാം പ്രതി സിദ്ദിഖ്, എട്ടാം പ്രതി ഉബൈദ്, ഒമ്പതാം പ്രതി നജീബ്, പത്താം പ്രതി ജൈജുമോന്, പന്ത്രണ്ടാം പ്രതി സജീവ്, പതിമൂന്നാം പ്രതി സതീഷ്, പതിനാലാം പ്രതി ഹരീഷ്, പതിനഞ്ചാം പ്രതി ബിജു അടക്കമുള്ളവരെയാണ് തവനൂര് സെട്രല് ജയിലില് എത്തിച്ചത്. കനത്ത പൊലിസ് കാവലിലാണ് മുഴുവന് പ്രതികളെയും ബസ് മാര്ഗം തവനൂരില് എത്തിച്ചത്.
