വളാഞ്ചേരി: മജ്ലിസ് എജുക്കേഷണല് കോപ്ലക്സിന് കീഴില് പുതുതായി തുടങ്ങുന്ന മജ്ലിസ് കോളേജ് ഓഫ് ഖുര്ആനിക് സയന്സ് ആന്ഡ് റിസര്ച്ച് ശിലാസ്ഥാപനം പാണക്കാട് സയ്യിദ് സ്വാദിഖലി ശിഹാബ് തങ്ങള് നിര്വഹിച്ചു.പൊതുസമ്മേളനം സമസ്ത കേരള ജംഇയ്യത്തുല് ഉലമ പ്രസിഡന്റ് സയ്യിദ് ജിഫ്രി മുത്തുക്കോയ തങ്ങള് ഉദ്ഘാടനം ചെയ്തു. ചടങ്ങില് എം ടി അബ്ദുല്ല മുസ്ലിയാര്, കൊയ്യോട് ‘ പിപി ഉമര് മുസ്ലിയാര്, എ വി അബ്ദുറഹ്മാന് മുസ് ലിയാര് , ഡോ : ബഹാഉദ്ധീന് മുഹമ്മദ് നദ് വി, ആദ്യശ്ശേരി ഹംസക്കുട്ടി മുസ്ലിയാര്, കെ എ റഹ്മാന് ഫൈസി, കുട്ടി ഹസന് ദാരിമി, കെകെഎച്ച് തങ്ങള്, മാനു ഹാജി തുടങ്ങിയവര് പങ്കെടുത്തു
മജ്ലിസ് പ്രസിഡന്റ് കെ എസ് എ തങ്ങള് അധ്യക്ഷത വഹിച്ച ചടങ്ങില് ജനറല് സെക്രട്ടറി ഉസ്താദ് മുസ്തഫല് ഫൈസി സ്വാഗത ഭാഷണവും സലീം കുരുവമ്പലം നന്ദി പ്രകാശനവും നടത്തി.
മത, രാഷ്ട്രീയ, സാമൂഹിക, സാംസ്കാരിക, ശാസ്ത്രീയ രംഗങ്ങളില് ഖുര്ആനിക കാഴ്ചപ്പാടുകളും നിര്ദ്ദേശങ്ങളും സമൂഹത്തിന് സമര്പ്പിക്കുക. ഇസ്ലാമിക വിശ്വാസ ശാസ്ത്രം, കര്മ്മ ശാസ്ത്രം എന്നിവയുടെ ഖുര്ആനിലൂന്നിയ ഗവേഷണം സാധ്യമാക്കുക തുടങ്ങിയവ പ്രസ്തുത സ്ഥാപനത്തിന്റെ ലക്ഷ്യങ്ങളാണ്.
ശിലാ സ്ഥാപനത്തോട് അനുബന്ധിച്ച് ഉച്ചക്ക് 2 30 മണിക്ക് നടന്ന ഖുര്ആന് സെമിനാര് ഹൈദരാബാദ് മൗലാനാ ആസാദ് നാഷണല് ഉര്ദു യൂണിവേഴ്സിറ്റി അറബിക് ഡിപ്പാര്ട്ട്മെന്റ് തലവന് പ്രൊഫ. സയ്യിദ് അലീം അഷ്റഫ് ജൈസി ഉദ്ഘാടനം ചെയ്തു. ശുഐബുല് ഹൈത്തമി, ഡോ. സയ്യിദ് മുഹമ്മദ് കുഞ്ഞി തങ്ങള് എന്നിവര് സെമിനാറില് വിഷയാവതരണം നടത്തി സംസാരിച്ചു. ഡോ. താജുദ്ധീന് വാഫി മോഡറേറ്ററായ ചടങ്ങില് ഡോ. പിടി അബ്ദുറഹ്മാന് ആമുഖഭാഷണവും സിദ്ധീഖ് ഹാജി ആദ്യശ്ശേരി ഉപസംഹാരംഭാഷണവും നടത്തി.
