പാമ്പാക്കുട അരീക്കല് വെള്ളച്ചാട്ടത്തില് കുളിക്കുന്നതിനിടെ യുവതികളെ കടന്നുപിടിച്ചെന്ന പരാതിയില് രണ്ട് പൊലിസുകാരെ കസ്റ്റഡിയിലെടുത്തു. ചൊവ്വ വൈകിട്ട് ആറിനാണ് സംഭവം.
മൂവാറ്റുപുഴ സ്റ്റേഷനിലെ പൊലീസുകാരാണ് കസ്റ്റഡിയിലായത്. എറണാകുളം സ്വദേശിനികളായ യുവതികള് സുഹൃത്തുക്കള്ക്കൊപ്പം വെള്ളച്ചാട്ടത്തില് കുളിക്കുന്നതിനിടെയാണ് പൊലീസുകാര് അപമാനിക്കാന് ശ്രമിച്ചത്. യുവതികള് പ്രതികരിച്ചതോടെ നാട്ടുകാര് പൊലീസുകാരെ തടഞ്ഞുവച്ചു. രാമമംഗലം പൊലീസാണ് ഇരുവരെയും കസ്റ്റഡിയിലെടുത്തത്. സംഭവത്തില് അന്വേഷണം നടക്കുകയാണെന്ന് പൊലിസ് പറഞ്ഞു.