മക്കള്‍ സംരക്ഷിച്ചാലും ഭാര്യക്ക് ജീവനാംശം നല്‍കണം: ഹൈക്കോടതി

മക്കള്‍ സംരക്ഷിക്കുന്നുവെന്ന കാരണത്താല്‍ മുന്‍ ഭാര്യക്ക് ജീവനാംശം നല്‍കണമെന്ന ബാധ്യതയില്‍നിന്ന് ഭര്‍ത്താവിന് ഒഴിയാനാകില്ലെന്ന് ഹൈക്കോടതി. മുന്‍ ഭാര്യക്കും അവിവാഹിതയായ മകള്‍ക്കും ജീവനാംശം നല്‍കാനുള്ള കുടുംബകോടതി ഉത്തരവിനെതിരെ കണ്ണൂര്‍ തളിപ്പറമ്പ് സ്വദേശി മുഹമ്മദാലി നല്‍കിയ ഹര്‍ജിയിലാണ് ജസ്റ്റിസ് സോഫി തോമസ്, ജസ്റ്റിസ് മുഹമ്മദ് മുഷ്താഖ് എന്നിവരടങ്ങുന്ന ഡിവിഷന്‍ ബെഞ്ചിന്റെ ഉത്തരവ്.

അവിവാഹിതയായ മകള്‍ക്കും തനിക്കും ജീവനാംശം നല്‍കണമെന്ന് ആവശ്യപ്പെട്ടാണ് ഭാര്യ കുടുംബകോടതിയെ സമീപിച്ചത്. ക്രിമിനല്‍ നടപടി ചട്ടത്തിലെ 125–ാംവകുപ്പുപ്രകാരം ഭാവിയിലേക്കുള്ള ജീവനാംശം നല്‍കണമെന്ന ആവശ്യവും ഉന്നയിച്ചിരുന്നു. ഇതു പരിഗണിച്ച കുടുംബകോടതി 2017 ഫെബ്രുവരി 24 മുതല്‍ 2020 ഫെബ്രുവരി 24 വരെ കാലയളവിലെ ജീവനാംശമായി മാസം 4000 രൂപവീതം നല്‍കാന്‍ ഉത്തരവിട്ടു. 2020 ഫെബ്രുവരി 26 മുതല്‍ ശേഷിക്കുന്ന കാലത്തേക്കും 4000 രൂപവീതം ഇരുവര്‍ക്കും ജീവനാംശം നല്‍കാനും നിര്‍ദേശിച്ചിരുന്നു.

വിദേശത്ത് ജാേലിയുള്ള ആണ്‍മക്കള്‍ ഭാര്യയെ സംരക്ഷിക്കുന്നുണ്ടെന്നും അതിനാല്‍ ജീവനാംശം നല്‍കാനാകില്ലെന്നും കാണിച്ച് മുഹമ്മദാലി ഹൈക്കോടതിയില്‍ അപ്പീല്‍ ഹര്‍ജിയും റിവിഷന്‍ പെറ്റീഷനും നല്‍കുകയായിരുന്നു. മക്കള്‍ സംരക്ഷണം നല്‍കുന്നതിനാല്‍ മുന്‍ ഭാര്യക്ക് ജീവനാംശം നല്‍കേണ്ടതില്ലെന്ന വാദം അംഗീകരിക്കാനാകില്ലെന്ന് കോടതി വ്യക്തമാക്കി. കുടുംബകോടതി ഉത്തരവില്‍ ഇടപെടാനാകില്ലെന്ന് വ്യക്തമാക്കിയാണ് ഹര്‍ജികള്‍ തള്ളിയത്.

spot_img

Related news

മോശം കാലാവസ്ഥയെ തുടര്‍ന്ന് ദോഹ -കരിപ്പൂര്‍ വിമാനം കൊച്ചിയിലേക്ക് വഴിതിരിച്ചുവിട്ടു

കൊച്ചി: മോശം കാലാവസ്ഥയെ തുടര്‍ന്ന് ദോഹ കരിപ്പൂര്‍ വിമാനം കൊച്ചിയിലേക്ക് വഴിതിരിച്ചുവിട്ടു....

വിദേശ സന്ദര്‍ശനത്തിനുശേഷം മുഖ്യമന്ത്രി കേരളത്തില്‍ തിരിച്ചെത്തി

തിരുവനന്തപുരം: വിദേശ സന്ദര്‍ശനത്തിനുശേഷം മുഖ്യമന്ത്രി പിണറായി വിജയനും കുടുംബവും കേരളത്തില്‍ തിരിച്ചെത്തി....

മുഖ്യമന്ത്രി പിണറായി വിജയന്‍ ദുബായിലെത്തി; തിങ്കളാഴ്ച കേരളത്തിലേക്ക് മടങ്ങി എത്തും

ദുബായ്: മുന്‍നിശ്ചയിച്ച പ്രകാരമുള്ള യാത്രയില്‍ മാറ്റം വരുത്തി മുഖ്യമന്ത്രി പിണറായി വിജയന്‍...

മലപ്പുറത്തെ മഞ്ഞപ്പിത്ത വ്യാപനത്തെ തുടര്‍ന്ന് ഒരു മാസത്തെ തീവ്രയജ്ഞ പരിപാടി പ്രഖ്യാപിച്ചു

തിരുവനന്തപുരം: മലപ്പുറത്തെ മഞ്ഞപ്പിത്ത വ്യാപനത്തെ തുടര്‍ന്ന് ഒരു മാസത്തെ തീവ്രയജ്ഞ പരിപാടി...

ടാങ്കര്‍ ലോറിയും ഓട്ടോറിക്ഷയും കൂട്ടിയിടിച്ച് നാടന്‍പാട്ട് കലാകാരന്‍ മരിച്ചു.

ഷൊര്‍ണൂര്‍/കൂറ്റനാട്: കുളപ്പുള്ളി ഐ.പി.ടി. കോളേജിന് സമീപം ടാങ്കര്‍ ലോറിയും ഓട്ടോറിക്ഷയും കൂട്ടിയിടിച്ച്...