വൈക്കത്ത് ദമ്പതികളെ വീടിനുള്ളില് തൂങ്ങിമരിച്ച നിലയില് കണ്ടെത്തി. മറവന്തുരുത്ത് പഞ്ചായത്ത് തറവട്ടത്ത് വൃന്ദാവനില് നടേശന് (48), ഭാര്യ സിനിമോള് (43) എന്നിവരെ തിങ്കളാഴ്ച വൈകിട്ട് ആറുമണിയോടെയാണ് വീടിനുള്ളില് മരിച്ച നിലയില് കണ്ടെത്തിയത്.
സാമ്പത്തിക ബാധ്യത മൂലം ജീവനൊടുക്കിയതാവാം എന്നാണു പൊലീസിന്റെ പ്രാഥമിക നിഗമനം. മൂന്ന് വര്ഷം മുമ്പ് കെഎസ്ആര്ടിസിയില് എം പാനല് ജീവനക്കാരനായിരുന്നു നടേശന്. ജോലിയില്നിന്നു പിരിച്ചുവിടപ്പെട്ടശേഷം കക്ക വാരലായിരുന്നു തൊഴില്. ഇവര്ക്കു വിദ്യാര്ഥികളായ രണ്ട് പെണ്മക്കളുണ്ട്. മൃതദേഹങ്ങള് ആശുപത്രിയിലേക്കു മാറ്റി. പോസ്റ്റ്മോര്ട്ടം നടപടികള്ക്കുശേഷം ബന്ധുക്കള്ക്ക് വിട്ടുകൊടുക്കും.
