പാലക്കാട്: വടക്കഞ്ചേരി അപകടത്തില് മരിച്ചവരില് ബാസ്കറ്റ്ബോള് താരവും. തൃശൂര് നടത്തറ മൈനര് റോഡ് സ്വദേശി തെക്കൂട്ട് രവിയുടെ മകന് രോഹിത് രാജ് (24) ആണ് മരിച്ചത്.
42 വിദ്യാര്ത്ഥികളും 5 അധ്യാപകരും 2 ബസ്സ് ജീവനക്കാരുമാണ് ടൂറിസ്റ്റ് ബസിലുണ്ടായിരുന്നത്. പരിക്കേറ്റ 50 ഓളം പേരെ തൃശൂര് മെഡിക്കല് കോളേജ്, ആലത്തൂര് താലൂക്ക് ആശുപത്രി,നെന്മാറ അവിറ്റീസ് ആശുപത്രി, പാലക്കാട് ജില്ലാശുപത്രി എന്നിവിടങ്ങളിലാണ് പ്രവേശിപ്പിച്ചത്. വടക്കഞ്ചേരിയില് നടന്നത് ഭയാനകമായ അപകടമെന്നും പരിക്കേറ്റവര് അപകടനില തരണം ചെയ്തതായും സംഭവസ്ഥലം സന്ദര്ശിച്ച ശേഷം മന്ത്രി എം പി രാജേഷ് പറഞ്ഞു
ഇന്നലെ വൈകീട്ട് ഏഴുമണിക്ക് ആഘോഷപൂര്വ്വം മുളന്തുരുത്തി വെട്ടിക്കല് മാര് ബസേലിയസ് വിദ്യാനികേതന് സ്കൂളില് നിന്ന് ആരംഭിച്ച വിനോദയാത്ര ഒടുവില് തീരാനോവായി മാറുകയായിരുന്നു.