തിരുവല്ല കച്ചേരിപ്പടിയില് നിയന്ത്രണം വിട്ട ബുള്ളറ്റ് മതിലില് ഇടിച്ചുണ്ടായ അപകടത്തില് രണ്ടുപേര് മരിച്ചു. ഒരാള്ക്ക് ഗുരുതര പരിക്ക്.
തിരുവല്ല മഞ്ഞാടി കമലാലയത്തില് വിഷ്ണു ഉണ്ണികൃഷ്ണന് (25), തിരുവല്ല പുഷ്പഗിരി ആശുപത്രിക്ക് സമീപം കിഴക്കേ പറമ്പില് വീട്ടില് ആസിഫ് അര്ഷാദ് (24) എന്നിവരാണ് മരിച്ചത്.
മഞ്ഞാടി പുതുപ്പറമ്പില് അരുണ് (25) നാണ് പരിക്കേറ്റത്. കച്ചേരിപ്പടി ജംഗ്ഷന് സമീപം ഇന്ന് പുലര്ച്ചെ 3:00 മണിയോടെയായിരുന്നു അപകടം.
താലൂക്ക് ആശുപത്രി ഭാഗത്തുനിന്നും എത്തിയ മൂവരും സഞ്ചരിച്ചിരുന്ന ബുള്ളറ്റ് നിയന്ത്രണംവിട്ട് മതിലില് ഇടിച്ചുകയറുകയായിരുന്നു. തലയ്ക്ക് ഗുരുതര പരിക്കേറ്റ വിഷ്ണുവും ആസിഫും തല്ക്ഷണം മരിച്ചു.
ഗുരുതര പരിക്കേറ്റ അരുണിനെ തിരുവല്ലയിലെ സ്വകാര്യ ആശുപത്രിയില് പ്രവേശിപ്പിച്ചു. മരിച്ച ഇരുവരുടെയും മൃതദേഹങ്ങള് മോര്ച്ചറിയിലേക്ക് മാറ്റി.
