കോഴിക്കോട് താമരശ്ശേരിയിലെ മയക്കുമരുന്ന് സംഘത്തലവനുമായി ബന്ധമുള്ള സിവില് പൊലീസ് ഓഫീസര്ക്ക് സസ്പെന്ഷന്. കോടഞ്ചേരി പൊലീസ് സ്റ്റേഷനിലെ സിവില് പൊലീസ് ഓഫീസര് രജിലേഷിനെയാണ് അന്വേഷണ വിധേയമായി സസ്പെന്റ് ചെയ്തത്. താമരശേരിയില് ലഹരി ക്യാമ്പ് നടത്തിയ സ്ഥലത്തിന്റെ ഉടമ അയ്യൂബിനൊപ്പം നില്ക്കുന്ന ഫോട്ടോകള് സമൂ?ഹമാധ്യമങ്ങളില് പ്രചരിച്ചതിനു പിന്നാലെയാണ് പൊലീസുകാരനെ സസ്പെന്ഡ് ചെയ്തത്.
താമരശേരി അമ്പലമുക്ക് കൂരിമുണ്ടയില് വന് ‘മയക്കുമരുന്ന് ക്യാമ്പ്’ കണ്ടെത്തിയവാര്ത്ത ദിവസങ്ങള്ക്ക് മുമ്പ് പുറത്ത് വന്നിരുന്നു. ഷെഡ് കെട്ടിയുണ്ടാക്കിയ ക്യാമ്പില് മയക്കുമരുന്ന് ഉപയോഗവും വില്പനയുമായിരുന്നു നടന്നത്. ആയുധധാരികളും നായകളും കാവലായുണ്ട്. ലഹരി മാഫിയ ആക്രമിച്ച വീടിനു സമീപമാണ് പൊലീസ് മയമക്കുമരുന്ന് ക്യാമ്പ് കണ്ടെത്തിയത്.
