പെരിന്തല്‍മണ്ണയില്‍ നിന്നു വഴിക്കടവിലേക്കു മൃതദേഹവുമായി പോകുകയായിരുന്ന ആംബുലന്‍സില്‍ ഓട്ടോറിക്ഷ ഇടിച്ചു യാത്രക്കാരായ മൂന്നു പേര്‍ക്കു പരുക്ക്. ഓട്ടോറിക്ഷ െ്രെഡവര്‍ പൂളമണ്ണ എടത്തില്‍മഠത്തില്‍ സുനില്‍ബാബു (48), യാത്രക്കാരായ തുവ്വൂര്‍ പൂളമണ്ണ ചേണ്ടറയില്‍ ശ്രീനിവാസ് (42), തുവ്വൂര്‍ അരിക്കുഴിയില്‍ കിഷോര്‍ (28) എന്നിവര്‍ക്കാണു പരുക്കേറ്റത്.
സുനില്‍ബാബുവിനെയും ശ്രീനിവാസിനെയും പെരിന്തല്‍മണ്ണയിലെ സ്വകാര്യ ആശുപത്രിയിലും കിഷോറിനെ പാണ്ടിക്കാട്ടെ സ്വകാര്യ ആശുപത്രിയിലും പ്രവേശിപ്പിച്ചു. ഗുരുതരമായി പരുക്കേറ്റ സുനില്‍ബാബു തീവ്രപരിചരണ വിഭാഗത്തിലാണ്.ഇന്നലെ വൈകിട്ടു മൂന്നരയോടെ സംസ്ഥാനപാതയില്‍ ചെറുകോടാണ് അപകടം നടന്നത്. പാണ്ടിക്കാട് ഭാഗത്തേക്കു പോകുകയായിരുന്ന ഓട്ടോറിക്ഷ നിയന്ത്രണം വിട്ടു മറിഞ്ഞ് ആംബുലന്‍സില്‍ ഇടിക്കുകയായിരുന്നുവെന്നു പറയുന്നു.
ഓട്ടോറിക്ഷ പൂര്‍ണമായും തകര്‍ന്നു. അപകടത്തെ തുടര്‍ന്നു ആംബുലന്‍സില്‍ ഉണ്ടായിരുന്ന മൃതദേഹം മറ്റൊരു ആംബുലന്‍സ് എത്തിച്ചാണു വഴിക്കടവില്‍ എത്തിച്ചത്. നാട്ടുകാരാണു പരുക്കേറ്റവരെ ആശുപത്രിയില്‍ എത്തിച്ച
