പൊന്നാനി കര്‍മ പാലം ഒടുവില്‍ നാടിന് സമര്‍പ്പിക്കുന്നു

പൊന്നാനി : നിര്‍മാണം പൂര്‍ത്തിയായി മാസങ്ങള്‍ കഴിഞ്ഞിട്ടും തുറന്ന് കൊടുക്കാതിരുന്ന പൊന്നാനി കര്‍മ പാലം ഒടുവില്‍ നാടിന് സമര്‍പ്പിക്കുന്നു. ഈ മാസം 25 ന് പൊതുമരാമത്ത് മന്ത്രി പി.എ. മുഹമ്മദ് റിയാസ് ഉദ്ഘാടനം ചെയ്യും.സംസ്ഥാനത്തെ നീളമേറിയ പുഴയോര പാതയിലൊന്നായ കര്‍മ റോഡില്‍ നിര്‍മാണം പൂര്‍ത്തീകരിച്ച് മാസങ്ങളായിട്ടും പാലം ഗതാഗതത്തിന് തുറന്ന് നല്‍കാനുള്ള നടപടികള്‍ അനന്തമായി നീളുകയായിരുന്നു. വിളക്കുകള്‍ സ്ഥാപിക്കാനുള്ള കാലതാമസം മൂലമാണ് ഉദ്ഘാടനം വൈകുന്നതെന്നായിരുന്നു അധികൃതര്‍ പറഞ്ഞത്. പാലം തുറന്ന് നല്‍കിയാല്‍ ഈശ്വരമംഗലം മുതല്‍ ഹാര്‍ബര്‍ വരെ എളുപ്പത്തില്‍ സഞ്ചരിക്കാനാകും. കിലോമീറ്ററുകള്‍ ലാഭിക്കാനുമെന്നതിന് പുറമെ പൊന്നാനി അങ്ങാടിപ്പാലത്തിലെ ഗതാഗതക്കുരുക്കിനും വലിയൊരളവില്‍ പരിഹാരമാകും. റമദാനില്‍ വൈകുന്നേരങ്ങളില്‍ വലിയ ഗതാഗതക്കുരുക്കാണ് അങ്ങാടിപ്പാലത്ത് അനുഭവപ്പെടുന്നത്.

കര്‍മപാലം ഗതാഗതത്തിനായി തുറന്ന് നല്‍കിയിട്ടില്ലെങ്കിലും രാത്രിയില്‍ നിരവധി പേരാണ് കാല്‍നടയായി പാലത്തിലെത്തുന്നത്.നിളയുടെ അരികുപറ്റി കിലോമീറ്ററുകളോളം നീണ്ടുകിടക്കുന്നൊരു പാത.അഴിമുഖത്തെയും നിളയിലെയും കാഴ്ചകള്‍ കണ്ട് സായാഹ്നസൗന്ദര്യം ആസ്വദിച്ച് ഓളപ്പരപ്പിലൂടെ ബോട്ടിലേറി ഒരു യാത്ര നടത്താം.നരിപ്പറമ്പ്-പൊന്നാനി ദേശീയപാതയിലെ ചമ്രവട്ടം കടവില്‍നിന്ന് തുടങ്ങി പൊന്നാനി മത്സ്യബന്ധന തുറമുഖം വരെ നീളുന്ന അഞ്ചരക്കിലോമീറ്ററോളം വരുന്ന പാതയാണിത്.ഭാരതപ്പുഴയോട് ചേര്‍ന്നാണ് പാത കടന്നുപോകുന്നത്. അഴിമുഖത്തിനടുത്തായി കനോലി കനാലിന് കുറുകെ നിര്‍മിച്ച പാലം കാഴ്ചകളുടെ സൗന്ദര്യത്തിന് ശോഭ കൂട്ടുന്നതാണ്.പൊന്നാനി മത്സ്യബന്ധന തുറമുഖവുമായി ബന്ധിപ്പിക്കുന്ന കര്‍മപാലം പണി പൂര്‍ത്തീകരിച്ചിട്ടും തുറന്നുകൊടുക്കാത്തതിനെതിരെ നിരവധി സംഘടനകള്‍ രംഗത്തെത്തിയിരുന്നു.

spot_img

Related news

പുഴയിൽ കുളിക്കാൻ ഇറങ്ങിയ സഹോദരിമാർ മുങ്ങി മരിച്ചു

മലപ്പുറം വേങ്ങരയിൽ പുഴയിൽ കുളിക്കാൻ ഇറങ്ങിയ സഹോദരിമാർ മുങ്ങി മരിച്ചു വേങ്ങര കോട്ടുമല...

ഫേസ് വളാഞ്ചേരി യുഎഇ ഫോറം റമദാനിൽ സ്വരൂപിച്ച തുക വളാഞ്ചേരി ശിഹാബ് തങ്ങൾ ഡയാലിസിസ് സെന്ററിന്‌ കൈമാറി

വളാഞ്ചേരിയിൽ പ്രവർത്തിച്ചു കൊണ്ടരിക്കുന്ന ശിഹാബ് തങ്ങൾ ഡയാലിസിസ് സെന്ററിനറിന്റെ പ്രവർത്തനങ്ങളിൽ ഒരിക്കൽക്കൂടി...

ഐശ്വര്യത്തിന്റെയും സമൃദ്ധിയുടെയും പൊന്‍പുലരി കണി കണ്ടുണര്‍ന്ന് നാടെങ്ങും ഇന്ന് വിഷു ആഘോഷം

ഐശ്വര്യവും, സമ്പല്‍സമൃദ്ധിയും നിറഞ്ഞ പുതു കാലത്തിനായുള്ള പ്രാര്‍ത്ഥനയും, പ്രതീക്ഷയുമായി ഇന്ന് വിഷു....

റഹീമിനെ മോചിപ്പിക്കാൻ കാരുണ്യപ്പെയ്ത്; വാദി ഭാഗം വക്കീലുമായി കൂടിക്കാഴ്ച ഉടൻ

സൗദി ജയിലിൽ കഴിയുന്ന അബ്ദുൽ റഹീമിന്റെ മോചനത്തിന് 34 കോടി രൂപ...

സംസ്ഥാനത്തെ സർക്കാർ മെഡിക്കൽ കോളേജുകൾക്ക് ചരിത്ര നേട്ടം; 7 വിദ്യാർത്ഥികൾക്ക് രാജ്യത്ത് ഒന്നാം സ്ഥാനത്തോടെ സ്വർണ മെഡലുകൾ

സംസ്ഥാനത്തെ സർക്കാർ മെഡിക്കൽ കോളേജുകളിലെ 7 വിദ്യാർത്ഥികൾക്ക് അഖിലേന്ത്യാ മെഡിക്കൽ സയൻസ്...