കുറ്റിപ്പുറം :കാടാമ്പുഴയില്‍ അനധികൃത മദ്യവില്‍പ്പന നടത്തിയയാള്‍ എക്സൈസിന്റെ പിടിയിലായി. മാറാക്കര ചേലക്കുത്ത് മയിലം പാടന്‍ വീട്ടില്‍ ഏന്തിന്‍കുട്ടി മകന്‍ ആംബ്രു എന്ന നൗഷാദിനെയാണ് കുറ്റിപ്പുറം എക്സൈസ് അറസ്റ്റ് ചെയ്തത്.കാടാമ്പുഴ മേഖലയില്‍ അനധികൃതമായി മദ്യവില്‍പ്പന നടത്തിവരുന്നതിനിടയാണ് പിടിയിലായത്. പോലീസിനും എക്‌സൈസിനും പണം നല്‍കിയാണ് മദ്യവില്‍പ്പന നടത്തിയിരുന്നതെന്ന് ഇയാള്‍ നാട്ടുകാര്‍ക്കിടയില്‍ വ്യാജപ്രചരണം നടത്തിവരികയായിരുന്നു.ഏഴ് ലിറ്ററോളം മദ്യം ബൈക്കില്‍ കടത്തികൊണ്ടുവന്ന് നിയമവിരുദ്ധമായി വില്‍പ്പന നടത്തിയെന്ന കുറ്റത്തിനാണ് ഇയാളെ അറസ്റ്റ് ചെയ്തത്.
