തിരുവനന്തപുരം: വിദേശ സന്ദര്ശനത്തിനുശേഷം മുഖ്യമന്ത്രി പിണറായി വിജയനും കുടുംബവും കേരളത്തില് തിരിച്ചെത്തി. ശനിയാഴ്ച പുലര്ച്ചെ 3.15നാണ് തിരുവനന്തപുരത്ത് എത്തിയത്. യാത്ര വെട്ടിച്ചുരുക്കിയതിനാല് മുന്കൂട്ടി അറിയിച്ചതിലും നേരത്തേയാണ് മടക്കം. മുഖ്യമന്ത്രിക്കൊപ്പം ഭാര്യ കമലയും ചെറുമകനുമുണ്ടായിരുന്നു. 21ന് മടങ്ങുമെന്നായിരുന്നു നേരത്തേ അറിയിച്ചിരുന്നത്.
സ്വകാര്യ സന്ദര്ശനമായിരുന്നു മുഖ്യമന്ത്രിയുടേത്. ഇന്തോനേഷ്യ, സിംഗപ്പൂര്, യുഎഇ രാജ്യങ്ങളാണ് മുഖ്യമന്ത്രി സന്ദര്ശിച്ചത്. വിമാനത്താവളത്തില് വച്ച് വിദേശയാത്ര സംബന്ധിച്ച ചോദ്യങ്ങളോട് മുഖ്യമന്ത്രി പ്രതികരിച്ചില്ല.
