തിരുവനന്തപുരം: വര്‍ഗീയ പ്രചാരണങ്ങളെ അതിജീവിക്കാന്‍ ഈദ്ഗാഹില്‍ ആഹ്വാനം ചെയ്ത് പാളയം ഇമാം ഷുഹൈബ് മൗലവി. വിദ്വേഷ പ്രസംഗത്തിന്റെ പേരില്‍ അറസ്റ്റിലായ മുന്‍ എംഎല്‍എ പിസി ജോര്‍ജിന്റെ പരാമര്‍ശങ്ങള്‍ ചൂണ്ടിക്കാട്ടിയായിരുന്നു പാളയം ഇമാമിന്റെ പരാമര്‍ഷം. പിസി ജോര്‍ജ്ജിന്റെ പരാമര്‍ശങ്ങളെ അപലപിച്ച അദ്ദേഹം കള്ളപ്രചരണമാണ് നടത്തുന്നത് എന്നും കുറ്റപ്പെടുത്തി. ഗവര്‍ണര്‍ ആരിഫ് മുഹമ്മദ് ഖാന്‍ ഉള്‍പ്പെടെ ഈദ് ഗാഹില്‍ പങ്കെടുത്തിരുന്നു.
വിദ്വേഷം കത്തിക്കാനായിരുന്നു ശ്രമമെന്നും മുസ്ലിമിന്റെ കടയില്‍ നിന്ന് സാധനങ്ങള്‍ വാങ്ങരുതെന്ന് പറയുന്നു എന്നിവയെല്ലാം കള്ളപ്രചാരണമാണെന്നും തിന്മയെ നന്മ കൊണ്ട് നേരിടണമെന്നും പാളയം ഇമാം പറഞ്ഞു. ഹിന്ദു ഹിന്ദുവിന്റെ കടയില്‍ നിന്ന് സാധനം വാങ്ങണമെന്ന് പറയുന്നതും, മുസ്ലിം മുസ്ലിമിന്റെ കടയില്‍ നിന്ന് സാധനം വാങ്ങണമെന്ന് പറയുന്നതും കേട്ടുകേള്‍വിയില്ലാത്ത സംഭവമാണെന്നും പാളയം ഇമാം പറഞ്ഞു.
