ശമ്പള പ്രതിസന്ധിയില് പ്രതിഷേധിച്ച് കെഎസ്ആര്ടിസിയിലെ വിവിധ യൂണിയനുകള് പ്രഖ്യാപിച്ച 24 മണിക്കൂര് പണിമുടക്ക് തുടങ്ങി. വ്യാഴാഴ്ച അര്ധരാത്രി ആരംഭിച്ച പണിമുടക്ക് വെള്ളിയാഴ്ച രാത്രി 12 മണി വരെ തുടരും. സമരത്തെ നേരിടാന് മാനേജ്മെന്റ് ഡയസ്നോണ് പ്രഖ്യാപിച്ചിട്ടുണ്ടെങ്കിലും ഐഎന്ടിയുസി, ബിഎംഎസ്, എഐടിയുസി യൂണിയനുകള് പണിമുടക്കില് ഉറച്ച് നില്ക്കുകയാണ്.
സംസ്ഥാനത്ത് 93 യൂണിറ്റുകളില് നിന്നായി 3700 ഷെഡ്യൂളുകളാണ് കെ എസ് ആര് ടി സിക്ക് പ്രതിദിനമുള്ളത്. ഇതില് നാല്പത് ശതമാനം ഷെഡ്യൂളുകളെയും സമരം ബാധിക്കുമെന്നാണ് അറിയുന്നത്. ഭരണാനുകൂല സംഘടനയായ സിഐടിയു സമരത്തില് നിന്ന് വിട്ടുനില്ക്കുന്നുണ്ടെങ്കിലും കൂടുതല് ജീവനക്കാര് സമരത്തിന് ഇറങ്ങുകയാണ്
ഇന്നലെ മാനേജ്മെന്റും തൊഴിലാളി യൂണിയനുകളും നടത്തിയ ചര്ച്ച പരാജയപ്പെട്ടതോടെയാണ് പിണിമുടക്ക് പ്രഖ്യാപിച്ചത്. ഈ മാസം 10ന് ശമ്പളം നല്കുമെന്നാണ് എംഡി അറിയിച്ചത്. എന്നാല് 10ന് ശമ്പളം കിട്ടുമെന്ന് ഉറപ്പില്ലെന്ന് തൊഴിലാളി സംഘനടകള് പറഞ്ഞു.
