108-ാമത് പട്ടാമ്പി നേര്‍ച്ച മാര്‍ച്ച് 20ന് നടക്കും

പട്ടാമ്പി: വള്ളുവനാടിന്റെ ദേശീയോത്സവമായി കൊണ്ടാടപ്പെടുന്ന പട്ടാമ്പി നേര്‍ച്ച മാര്‍ച്ച് 20ന് കൊണ്ടാടും. 108-ാം നേര്‍ച്ചയാണ് ഇത്തവണ ആഘോഷിക്കുന്നത്. നഗരപ്രദക്ഷിണ ഘോഷയാത്ര നിരീക്ഷിയ്ക്കാന്‍ ഇത്തവണ നഗരത്തില്‍ നിരവധി ക്യാമറകള്‍ സ്ഥാപിച്ചിട്ടുണ്ട്. ക്രമസമാധാന പ്രശ്‌നമുണ്ടാക്കുന്ന ഉപ കമ്മിറ്റികള്‍ക്ക് വരും വര്‍ഷങ്ങളില്‍ നേര്‍ച്ചയില്‍ പങ്കെടുക്കാനാവില്ലെന്ന് ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു.

ഇത്തവണ നേര്‍ച്ചയുമായി ബന്ധപ്പെട്ട് ഫ്‌ലക്‌സുകളും മറ്റും ഒഴിവാക്കിയിട്ടുണ്ടെന്നും, മാര്‍ച്ച് 18ന് വൈകീട്ട് 4ന് മൗലീദ് പാരായണവും തുടര്‍ന്ന് അന്നദാനവും നടക്കും.

മാര്‍ച്ച് 19ന് വൈകീട്ട് മാര്‍ക്കറ്റില്‍ നേര്‍ച്ചയുമായി ബന്ധപ്പെട്ട പതിവ് വാണിഭവും പുതിയതായി തുടങ്ങിയിട്ടുണ്ടെന്നും കമ്മിറ്റി ഭാരവാഹികള്‍ അറിയിച്ചു.

പട്ടാമ്പിയുടെ പൈതൃകവും, പാരമ്പര്യവും വിശ്വാസവും, സൗഹൃദവും സമ്മേളിക്കുന്നതാണ് നേര്‍ച്ച. കോവിഡ് നിയന്ത്രണങ്ങള്‍ ലഘൂകരിച്ച ശേഷം നടക്കുന്ന 108-ാം നേര്‍ച്ചയെ വരവേല്‍ക്കാന്‍ പട്ടാമ്പി ഒരുങ്ങിക്കഴിഞ്ഞു. പട്ടാമ്പി നഗരസഭയുടെ നേതൃത്വത്തില്‍ നേര്‍ച്ചയുടെ ക്രമീകരണങ്ങള്‍ നടക്കുന്നു. ഇതിനായി എല്ലാ ഗവ. ഡിപ്പാര്‍ട്ടുമെന്റുകളിലെയും ഉദ്യോഗസ്ഥരുടെ സഹകരണവുമുണ്ട്. ഗവ.നോട്ടീഫൈഡ് ഉത്സവമാണ് പട്ടാമ്പി നേര്‍ച്ച.

മാര്‍ച്ച് 20ന് ഉച്ചക്ക് 11 മണിക്ക് പാരമ്പര്യ അവകാശികളും, കേന്ദ്ര ആഘോഷ കമ്മിറ്റിയും ഉപാഘോഷ കമ്മിറ്റികളും ചേര്‍ന്ന് കൊടിയേറ്റം നടത്തും. വൈകീട്ട് 5 മണിക്ക് മതസൗഹാര്‍ദ്ദത്തിന്റെ ഊടുംപാവും വിളിച്ചോതുന്ന പ്രദക്ഷിണ ഘോഷയാത്ര നടക്കും. ഇതില്‍ 45 ഓളം ഉപ ആഘോഷക്കമ്മിറ്റികള്‍ പങ്കെടുക്കും. മാര്‍ച്ച് 21ന് പുലര്‍ച്ച 6 മണിക്ക് പാരമ്പര്യ അവകാശികളായ റാവുത്തന്മാരുടെ തിരുമുല്‍ക്കാഴ്ചകളും, അപ്പപ്പെട്ടികളുമായി എത്തുന്നതോടെ നേര്‍ച്ച സമാപിക്കും.

വാദ്യ മത്സരവും, ഏറ്റവും നല്ല സംഘങ്ങള്‍ക്കുള്ള സമ്മാനങ്ങളും നേര്‍ച്ചയുടെ ഭാഗമായി ഉണ്ടാവുമെന്ന് കേന്ദ്രാഘോഷ കമ്മറ്റി പ്രസിഡന്റ് കെ.ടി.രാമചന്ദ്രന്‍, ഖജാന്‍ജി സി.ഹനീഫ മാനു, വൈസ് പ്രസിഡന്റ് റഫീഖ് കള്ളി വളപ്പില്‍, പ്രോഗ്രാം കണ്‍വീനര്‍ ഉസ്മാന്‍ പുളിക്കല്‍, അലി പൂവ്വത്തിങ്ങല്‍ എന്നിവര്‍ അറിയിച്ചു.

spot_img

Related news

കുറ്റിപ്പുറം എസ്ഐ വാസുണ്ണിക്ക് സംസ്ഥാന പോലീസ് മേധാവിയുടെ ബാഡ്ജ് ഓഫ് ഹോണർ പുരസ്‌കാരം

കുറ്റിപ്പുറം : രാജ്യത്തെ മികച്ച പോലീസ് സ്റ്റേഷനുകളിൽ ഇടം പിടിച്ച കുറ്റിപ്പുറം...

എടയൂര്‍ പഞ്ചായത്ത് യോഗഹാളും സൗജന്യ യോഗ പരിശീലനവും ഉദ്ഘാടനം ചെയ്തു

എടയൂര്‍ ഗവണ്‍മെന്റ് ആയുര്‍വേദ ഡിസ്‌പെന്‍സറി ഹെല്‍ത്ത് ആന്‍ഡ് വെല്‍നെസ്സ് സെന്ററിന്റെ യോഗഹാളും...

വളാഞ്ചേരി ഹൈസ്‌കൂളിലെ അലുമിനി അസോസിയേഷന്‍ യോഗം ചേര്‍ന്നു

വളാഞ്ചേരി ഹൈസ്‌കൂളിലെ അലുമിനി അസോസിയേഷന്‍ യോഗം ചേര്‍ന്നു.വളാഞ്ചേരിയില്‍ വെച്ച് ചേര്‍ന്ന യോഗത്തില്‍...

കുറ്റിപ്പുറം ബ്ലോക്ക് പഞ്ചായത്തില്‍ വികസന സെമിനാര്‍ സംഘടിപ്പിച്ചു

കുറ്റിപ്പുറം ബ്ലോക്ക് പഞ്ചായത്ത് 2024-25 വാര്‍ഷിക പദ്ധതി രൂപീകരണത്തിന്റെ ഭാഗമായി വികസന...

കുറ്റിപ്പുറം ബ്ലോക്ക് കോൺഗ്രസ് നേതൃയോഗം ചേർന്നു.

വളാഞ്ചേരി: കുറ്റിപ്പുറം ബ്ലോക്ക് കോൺഗ്രസ് നേതൃയോഗം വളാഞ്ചേരി കോൺഗ്രസ് ഓഫീസിൽ വച്ച്...