ത ക്കി ട്ട കേരളീയ വാദ്യ പാരമ്പര്യം എന്ന പുസ്തകം പ്രകാശനത്തിനൊരുങ്ങുന്നു

എടപ്പാള്‍

നാനൂറ് വര്‍ഷം മുന്‍പ് ജനിച്ച് വാദ്യകലക്കായി ജീവിച്ചു മരിച്ചവര്‍ മുതല്‍ ഇളം തലമുറയിലെ അറിയപ്പെടുന്ന കലാകാരന്‍മാരടക്കമുള്ളവരുടെ വിവരങ്ങള്‍ ഇനി വിരല്‍ത്തുമ്പില്‍. എടപ്പാള്‍ സോപാനം സ്‌കൂള്‍ ഓഫ് പഞ്ചവാദ്യം നാലു വര്‍ഷത്തെ കഠിന സപര്യയിലൂടെയും ഗവേഷണത്തിലൂടെയും കണ്ടെത്തിയ കലാകാരന്‍മാരുടെ ചരിത്രവും ചിത്രങ്ങളുമടക്കമുള്ള മൂന്നു വാള്യങ്ങളുള്ള പുസ്തകത്തിന്റെ പണി പൂര്‍ത്തിയായി. മുഖചിത്രത്തിന്റെ പ്രകാശനം സംഗീത നാടക അക്കാദമി ചെയര്‍മാന്‍ മട്ടന്നൂര്‍ ശങ്കരന്‍കുട്ടി മാരാര്‍, സെക്രട്ടറി കരിവള്ളൂര്‍ മുരളി, പഞ്ചവാദ്യകലാകാരന്‍ കരിയന്നൂര്‍ നാരായണന്‍ നമ്പൂതിരി എന്നിവര്‍ ചേര്‍ന്ന് പുറത്തിറക്കി. ത ക്കി ട്ട കേരളീയ വാദ്യ പാരമ്പര്യം എന്ന പേരിലാണ് 3000ത്തോളം പേജുള്ള പുസ്തകം തയ്യാറാക്കിയിട്ടുള്ളത്.

ഷഡ്കാല ഗോവിന്ദമാരാരുടെ കാലഘട്ടത്തില്‍ നിന്നാരംഭിച്ച് കാസര്‍കോട് മുതല്‍ തിരുവനന്തപുരം വരെയുള്ള പ്രദേശങ്ങളില്‍ ജീവിച്ച് മരിച്ചവരും ഇപ്പോള്‍ രംഗത്തുള്ളവരുമായ 13000ത്തോളം കലാകാരന്‍മാരുടെ വിവരങ്ങളെല്ലാമടങ്ങിയതാണ് പുസ്തകം. ഇവരുടെ ജനനം, വിദ്യാഭ്യാസം, വാദ്യകലാ രംഗത്തെ സംഭാവനകള്‍, പുരസ്‌കാരങ്ങള്‍, കുടുംബം തുടങ്ങി ഗവേഷണ വിദ്യാര്‍ഥികള്‍ക്കും കലാപ്രേമികള്‍ക്കുമെല്ലാം ഉപയുക്തമായ പുസ്തകമാണ് തക്കിട്ട.
പഞ്ചവാദ്യത്തിലുപയോഗിക്കുന്ന തിമില, മദ്ദളം, ഇടയ്ക്ക, കൊമ്പ്, ഇലത്താളം, കുറുംകുഴല്‍, തായമ്പകയിലെ ചെണ്ട, സോപാന സംഗീതം എന്നീ വിഭാഗങ്ങളിലെ ഉപകരണങ്ങളിലെ കലാകാരന്‍മാരെല്ലാം പുസ്തകത്തിലുണ്ട്.
ചടങ്ങില്‍ സോപാനം സ്‌കൂള്‍ ഓഫ് പഞ്ചവാദ്യം ഡയറക്ടറും പുസ്തകത്തിന്റെ എഡിറ്ററുമായ സന്തോഷ് ആലങ്കോട് അധ്യക്ഷനായി. പുസ്തകത്തിന്റെ അണിയറ പ്രവര്‍ത്തകരായ കുറുങ്ങാട് വാസുദേവന്‍ നമ്പൂതിരി, ഉണ്ണി ശുകപുരം, അരുണ്‍ അരവിന്ദ്, പ്രകാശ് മഞ്ഞപ്ര, സംഗീത നാടക അക്കാദമി വൈസ് ചെയര്‍മാന്‍ പുഷ്പലത, ഫ്രാന്‍സിസ് ടി.മാവേലിക്കര, സിന്ധു ദിവാകരന്‍, സബിത സുധീഷ്,രാജേഷ് പുതുമന, വിനോദ് കണ്ടേങ്കാവില്‍, ശുഭ എന്നിവര്‍ പ്രസംഗിച്ചു.

spot_img

Related news

പുഴയിൽ കുളിക്കാൻ ഇറങ്ങിയ സഹോദരിമാർ മുങ്ങി മരിച്ചു

മലപ്പുറം വേങ്ങരയിൽ പുഴയിൽ കുളിക്കാൻ ഇറങ്ങിയ സഹോദരിമാർ മുങ്ങി മരിച്ചു വേങ്ങര കോട്ടുമല...

ഫേസ് വളാഞ്ചേരി യുഎഇ ഫോറം റമദാനിൽ സ്വരൂപിച്ച തുക വളാഞ്ചേരി ശിഹാബ് തങ്ങൾ ഡയാലിസിസ് സെന്ററിന്‌ കൈമാറി

വളാഞ്ചേരിയിൽ പ്രവർത്തിച്ചു കൊണ്ടരിക്കുന്ന ശിഹാബ് തങ്ങൾ ഡയാലിസിസ് സെന്ററിനറിന്റെ പ്രവർത്തനങ്ങളിൽ ഒരിക്കൽക്കൂടി...

ഐശ്വര്യത്തിന്റെയും സമൃദ്ധിയുടെയും പൊന്‍പുലരി കണി കണ്ടുണര്‍ന്ന് നാടെങ്ങും ഇന്ന് വിഷു ആഘോഷം

ഐശ്വര്യവും, സമ്പല്‍സമൃദ്ധിയും നിറഞ്ഞ പുതു കാലത്തിനായുള്ള പ്രാര്‍ത്ഥനയും, പ്രതീക്ഷയുമായി ഇന്ന് വിഷു....

റഹീമിനെ മോചിപ്പിക്കാൻ കാരുണ്യപ്പെയ്ത്; വാദി ഭാഗം വക്കീലുമായി കൂടിക്കാഴ്ച ഉടൻ

സൗദി ജയിലിൽ കഴിയുന്ന അബ്ദുൽ റഹീമിന്റെ മോചനത്തിന് 34 കോടി രൂപ...

സംസ്ഥാനത്തെ സർക്കാർ മെഡിക്കൽ കോളേജുകൾക്ക് ചരിത്ര നേട്ടം; 7 വിദ്യാർത്ഥികൾക്ക് രാജ്യത്ത് ഒന്നാം സ്ഥാനത്തോടെ സ്വർണ മെഡലുകൾ

സംസ്ഥാനത്തെ സർക്കാർ മെഡിക്കൽ കോളേജുകളിലെ 7 വിദ്യാർത്ഥികൾക്ക് അഖിലേന്ത്യാ മെഡിക്കൽ സയൻസ്...