തിരുവനന്തപുരം: എസ്എസ്എല്സി, ഹയര്സെക്കണ്ടറി പരീക്ഷ തിയതികള് പ്രഖ്യാപിച്ചു. എസ്എസ്എല്സിപരീക്ഷ 2023 മാര്ച്ച് 9 ന് ആരംഭിച്ച് മാര്ച്ച് 29 ന് അവസാനിക്കും. ഹയര്സെക്കണ്ടറി പ്ലസ് ടു പരീക്ഷയും വൊക്കേഷണല് ഹയര്സെക്കണ്ടറി പരീക്ഷയും മാര്ച്ച് 10ന് തുടങ്ങി മാര്ച്ച് 30 അവസാനിക്കും വിധമാണ് ക്രമീകരിച്ചിട്ടുള്ളത്.
എസ്എസ്എല്സി മാതൃകാ പരീക്ഷകള് 2023 ഫെബ്രുവരി 27 ന് ആരംഭിച്ച് മാര്ച്ച് 3 ന് അവസാനിക്കും. നാലര ലക്ഷത്തിലധികം വിദ്യാര്ത്ഥികള് എസ്എസ്എല്സി പരീക്ഷ എഴുതും. എസ്എസ്എല്സി മുല്യനിര്ണ്ണയം 2023 ഏപ്രില് 3 ന് ആരംഭിക്കുകയും പരീക്ഷാഫലം 2023 മെയ് 10 നുള്ളില് പ്രഖ്യാപിക്കുകയും ചെയ്യും.
ഒന്നും രണ്ടും വര്ഷ ഹയര് സെക്കണ്ടറി, വൊക്കേഷണല് ഹയര് സെക്കണ്ടറി മാതൃകാ പരിക്ഷകള് 2023 ഫെബ്രുവരി 27 ന് ആരംഭിച്ച് മാര്ച്ച് 3 ന് അവസാനിക്കും.രണ്ടാം വര്ഷ ഹയര് സെക്കണ്ടറി പ്രായോഗിക പരീക്ഷകള് 2023 ഫെബ്രുവരി 1 നും വൊക്കേഷണല് ഹയര് സെക്കണ്ടറി പ്രായോഗിക പരീക്ഷകള് 2023 ജനുവരി 25 നും ആരംഭിക്കുന്നതാണ്. ഒമ്പത് ലക്ഷത്തിലധികം വിദ്യാര്ത്ഥികള് ഒന്നും രണ്ടും വര്ഷ ഹയര് സെക്കണ്ടറി പൊതുപരീക്ഷകളും അറുപതിനായിരത്തോളം വിദ്യാര്ത്ഥികള് വൊക്കേഷണല് ഹയര് സെക്കണ്ടറി പൊതുപരീക്ഷയും എഴുതും.