വയനാട്: രാഹുല് ഗാന്ധി എംപിയുടെ ഓഫീസ് ആക്രമിച്ച കേസില് ആറ് എസ്എഫ്ഐ പ്രവര്ത്തകര് കൂടി കസ്റ്റഡിയില്. കല്പ്പറ്റ പൊലീസാണ് കസ്റ്റഡിയില് എടുത്തത്. ഇതോടെ ഇതുവരെ പിടിയിലായവരുടെ എണ്ണം 25 ആയി. കേസില് 19 എസ്എഫ്ഐ പ്രവര്ത്തകരെ ഇന്നലെ പൊലീസ് അറസ്റ്റ് ചെയ്തിരുന്നു. ജാമ്യമില്ലാ വകുപ്പുകള് പ്രകാരമാണ് ഇവര്ക്കെതിരെ കേസെടുത്തത്. എസ്എഫ്ഐ ജില്ലാ പ്രസിഡന്റ് ജോയല് ജോസഫ്, സെക്രട്ടറി ജിഷ്ണു ഷാജി എന്നിവരടക്കമാണ് ഇന്നലെ അറസ്റ്റിലായത്. അറസ്റ്റിലായ 19 പേരെ രണ്ടാഴ്ച്ചത്തേക്ക് റിമാന്ഡ് ചെയ്തു. കല്പ്പറ്റ മുന്സിഫ് കോടതിയാണ് റിമാന്ഡ് ചെയ്തത്. പരിസ്ഥിതിലോല പ്രശ്നത്തില് രാഹുല് ഇടപെടുന്നില്ലെന്ന് ആരോപിച്ച് ഇന്നലെയാണ് എസ്എഫ്ഐ രാഹുല് ഗാന്ധിയുടെ ഓഫീസ് ആക്രമിച്ചത്. . ഇതിന് പിന്നാലെയാണ് ഇന്ന് ആറുപേരെ കൂടി കസ്റ്റഡിയിലെടുത്തത്.
