പാലക്കാട് തത്തമംഗലം സ്വദേശി സുവീഷി(20)നെ കൊലപ്പെടുത്തിയ കേസില് സ്വരാജ്, ഹക്കീം, ഋഷികേശ്, അജയ്, ഷമീര്, മദന്കുമാര് എന്നിവരെയാണ് സൗത്ത് പൊലീസ് കസ്റ്റഡിയിലെടുത്തത്.
ജൂലൈ 19നാണ് സുവീഷിനെ കാണാതായത്. അന്ന് രാത്രി പാലക്കാടുള്ള മെഡിക്കല് ഷോപ്പിന് സമീപത്തുനിന്ന് സുവീഷിനെ പ്രതികള് ബലമായി സ്കൂട്ടറില് കയറ്റി കൊണ്ടുപോയതാണ്. തുടര്ന്ന് മലബാര് ആശുപത്രിയ്ക്ക് സമീപത്തെ ശ്മാശനത്തില് വച്ച് മര്ദിച്ചുകൊന്നശേഷം യാക്കര പുഴയില് തള്ളുകയായിരുന്നുവെന്നാണ് പൊലീസ് കരുതുന്നത്. ഒരുമാസം മുമ്പ് കാണാതായ സുവീഷിന്റെ മൃതദേഹം കഴിഞ്ഞദിവസം പുഴയുടെ സമീപത്ത് നിന്നാണ് കണ്ടെത്തിയത്. മൃതദേഹം പൂര്ണ്ണമായും അഴുകിയ നിലയിലാണ്. ഫൊറന്സിക് ഉദ്യോഗസ്ഥര് തെളിവെടുത്തു.