തിരുവനന്തപുരം: കണ്ണൂര് സര്വ്വകലാശാല വൈസ് ഗോപിനാഥ് രവീന്ദ്രനെതിരെ വീണ്ടും ഗുരുതര ആരോപണങ്ങളുമായി ഗവര്ണര് ആരിഫ് മുഹമ്മദ് ഖാന്. തന്നെ കായികമായി നേരിടാന് ഒത്താശ ചെയ്തെന്നും ഡല്ഹിയില് വെച്ച് ഗൂഢാലോചന നടന്നെന്നുമാണ് ആരോപണം. മാന്യതയുടെ അതിര് വരമ്പുകള് ലംഘിച്ച കണ്ണൂര് വിസി ക്രിമിനലാണെന്നും ഗവര്ണര് ആരോപിച്ചു.
‘കണ്ണൂര് സര്വ്വകലാശാലയെ വിസി നശിപ്പിച്ചു. പാര്ട്ടി കേഡറെപോലെയാണ് വിസി പെരുമാറുന്നത്. ഈ കാരണങ്ങളാലാണ് പരസ്യമായി വിമര്ശിക്കാന് നിര്ബന്ധിതനായത്. വിസിക്കെതിരെ നടപടിയെടുക്കാന് തനിക്ക് അധികാരമുണ്ട്. നടപടികള് ആരംഭിച്ചു. രാജ്ഭവന് അംഗീകരിച്ച പരിപാടികളില് മാറ്റം വരുത്തി’ ഡല്ഹിയില് മാധ്യമങ്ങളോട് സംസാരിക്കുകയായിരുന്നു അദ്ദേഹം.