കുറ്റിപ്പുറം ഗ്രാമ പഞ്ചായത്ത് പ്രസിഡണ്ട് റംല കറത്തൊടി നിര്യാതയായി.അര്‍ബുദ രോഗ സംബന്ധമായ ചികിത്സയില്‍ കഴിയവേയാണ് മരണം. കുറ്റിപ്പുറം പഞ്ചായത്ത് പന്ത്രണ്ടാം വാര്‍ഡില്‍ (എടച്ചലം) മുസ്ലിം ലിഗ് പ്രതിനിധിയായാണ് വിജയിച്ചത്.കഴിഞ്ഞ ഭരണ സമിതിയില്‍ എട്ടാം വാര്‍ഡ് കരിമ്പനപ്പീടിക മെമ്പറായിരുന്ന റംല പഞ്ചായത്ത് വികസന സ്റ്റാന്റിംഗ് കമ്മറ്റി ചെയര്‍പേഴ്‌സണായും പ്രവര്‍ത്തിച്ചിട്ടുണ്ട്. ഖബറടക്കം ഇന്ന് രാവിലെ 10:30 ന് പൈങ്കണ്ണുര്‍ ജുമാ മസ്ജിദ് ഖബര്‍സ്ഥാനില്‍ നടന്നു.
