പള്‍സ് പോളിയോ: ജില്ലാതല ഉദ്ഘാടനം മലപ്പുറം കോട്ടപ്പടി ഗവ.താലൂക്ക് ആശുപത്രിയില്‍

പള്‍സ് പോളിയോ ജില്ലാതല ഉദ്ഘാടനം മലപ്പുറം കോട്ടപ്പടി ഗവ.താലൂക്ക് ആശുപത്രിയില്‍ ഞായറാഴ്ച അഡ്വ.പി.ഉബൈദുല്ല എം.എല്‍.എ നിര്‍വഹിക്കുമെന്ന് ജില്ലാ മെഡിക്കല്‍ ഓഫിസര്‍ വാര്‍ത്താസമ്മേളനത്തില്‍ അറിയിച്ചു.
സ്‌കൂളുകള്‍, അങ്കണവാടികള്‍, വായനശാലകള്‍, ആരോഗ്യസ്ഥാപനങ്ങള്‍ എന്നിവിടങ്ങളിലെ ബൂത്തുകള്‍,ബസ് സ്റ്റാന്റുകള്‍, റെയില്‍ വെസ്റ്റേഷനുകള്‍, വിമാനത്താവളം എന്നിവിടങ്ങളിലെ ട്രാന്‍സിറ്റ് ബൂത്തുകള്‍,അതിഥി തൊഴിലാളികളുടെ ക്യാംപുകള്‍, വിനോദ സഞ്ചാരകേന്ദ്രങ്ങള്‍ എന്നിവിടങ്ങളിലെ മൊബൈല്‍ ബൂത്തുകള്‍ എന്നിവ വഴിയാണ് തുള്ളിമരുന്നു വിതരണം നടത്തുന്നത്. രാവിലെ എട്ടു മണി മുതല്‍ വൈകുന്നേരം അഞ്ചുവരെയായിരിക്കും ബൂത്തുകള്‍ പ്രവര്‍ത്തിക്കുക. ജില്ലയില്‍ 4,55,152 കുട്ടികളാണ് അഞ്ചുവയസില്‍ താഴെ ഉള്ളത്. ഇത്രയും കുട്ടികള്‍ക്ക് വാക്സിന്‍ നല്‍കുന്നതിനായി 3788 വാക്സിനേഷന്‍ ബൂത്തുകളും ഇവിടങ്ങളില്‍ സേവനത്തിനായി പരിശീലനം ലഭിച്ച 7599 വളണ്ടിയര്‍മാരും 441 സൂപ്പര്‍വൈസര്‍മാരും രംഗത്തുണ്ട്. കൂടാതെ 75 ട്രാന്‍സിറ്റ് പോയിന്റുകളിലും വാക്സിനേഷന്‍ നല്‍കുന്നുണ്ട്. 137 ടീമുകളും വാക്സിനേഷന്‍ നല്‍കുന്നതിനായി സജ്ജമാണ്.
35 ലക്ഷം രൂപയാണ് ജില്ല ഇതിനായി ചിലവഴിക്കുന്നത്. ഇതിനു പുറമെ പഞ്ചായത്തുകള്‍ക്ക് 10,000 രൂപയും നഗരസഭകള്‍ക്ക് 15,000 രൂപയും ചിലവഴിക്കാന്‍ അനുമതി നല്‍കിയിട്ടുണ്ട്. തദ്ദേശ സ്വയംഭരണസ്ഥാപനങ്ങള്‍, വിവിധ വകുപ്പുകള്‍, സന്നദ്ധസംഘടനകള്‍ എന്നിവയുടെ സഹകരണത്തോടെയാണ് പോളിയോ ഇമ്യൂണൈസേഷന്‍ നടക്കുന്നത്. വാര്‍ത്താസമ്മേളനത്തില്‍ ആരോഗ്യകേരളം ജില്ലാ പ്രോഗ്രാം മാനേജര്‍ ഡോ.ടി.എന്‍ അനൂബ്, ആര്‍.സി.എച്ച്.എം ഓഫിസര്‍ ഡോ.ശിബുലാല്‍, പി.രാജു, മുഹമ്മദ് ഫസല്‍ തുടങ്ങിയവരും സംബന്ധിച്ചു.

spot_img

Related news

പുഴയിൽ കുളിക്കാൻ ഇറങ്ങിയ സഹോദരിമാർ മുങ്ങി മരിച്ചു

മലപ്പുറം വേങ്ങരയിൽ പുഴയിൽ കുളിക്കാൻ ഇറങ്ങിയ സഹോദരിമാർ മുങ്ങി മരിച്ചു വേങ്ങര കോട്ടുമല...

ഫേസ് വളാഞ്ചേരി യുഎഇ ഫോറം റമദാനിൽ സ്വരൂപിച്ച തുക വളാഞ്ചേരി ശിഹാബ് തങ്ങൾ ഡയാലിസിസ് സെന്ററിന്‌ കൈമാറി

വളാഞ്ചേരിയിൽ പ്രവർത്തിച്ചു കൊണ്ടരിക്കുന്ന ശിഹാബ് തങ്ങൾ ഡയാലിസിസ് സെന്ററിനറിന്റെ പ്രവർത്തനങ്ങളിൽ ഒരിക്കൽക്കൂടി...

ലോക ജലദിനത്തില്‍ മലപ്പുറം വളാഞ്ചേരി നഗരസഭയില്‍ കുടിവെള്ള വിതരണം ആരംഭിച്ചു

2023-24 വാര്‍ഷിക പദ്ധതിയില്‍ ഉള്‍പെടുത്തിയാണ് 20 ലക്ഷം രൂപ വകയിരുത്തിയാണ് കുടിവെള്ളം...

പുതുതായി അനുവദിച്ച മംഗളൂരു – രാമേശ്വരം ട്രെയിനിന് മലപ്പുറം ജില്ലയിൽ സ്റ്റോപ്പില്ല

റെയില്‍വേ പുതുതായി പ്രഖ്യാപിച്ച പ്രതിവാര മംഗളൂരു - രാമേശ്വരം ട്രെയിനിന് മലപ്പുറം...

സ്കൂൾ ബസും സ്കൂട്ടറും കൂട്ടിയിടിച്ച് പി എസ് എം ഒ കോളേജ് വിദ്യാർത്ഥി മരിച്ചു

തിരൂരങ്ങാടി ചന്തപ്പടിയിൽ സ്ക്കൂൾ ബസ്സും ബൈക്കും തമ്മിൽ കൂട്ടിയിടിച്ചുണ്ടായ അപകടത്തിൽ ഗുരുതര...