കൊച്ചി : പോപ്പുലര് ഫ്രണ്ട് ഹര്ത്താലിലെ അക്രമങ്ങളുമായി ബന്ധപ്പെട്ട ജപ്തി നടപടികള് ഉടന് പൂര്ത്തിയാക്കണമെന്ന് സംസ്ഥാന സര്ക്കാരിന് ഹൈക്കോടതിയുടെ അന്ത്യശാസനം. നടപടികള് പൂര്ത്തിയാക്കി ജില്ലാ അടിസ്ഥാനത്തിലുള്ള റിപ്പോര്ട്ട് 23 നകം നല്കണം. ജപ്തി നടപടികള്ക്ക് നോട്ടീസ് നല്കേണ്ടതില്ലെന്നും കോടതി അറിയിച്ചു. ജപ്തി നടപടികള് ഇനിയും വൈകുന്നതില് ഹൈക്കോടതി ഡിവിഷന് ബെഞ്ച് അതൃപ്തി രേഖപ്പെടുത്തി.
അതിനിടെ, പോപ്പുലര് ഫ്രണ്ട് കേസുമായി ബന്ധപ്പെട്ട് കൊല്ലത്ത് ഇന്നും എന്ഐഎ സംഘം റെയ്ഡ് നടത്തി. പിഎഫ്ഐ പ്രവര്ത്തകനായ ചാത്തനാംകുളം സ്വദേശി നിസാറുദ്ദീന്റെ വീട്ടിലാണ് പരിശോധന നടന്നത്. റെയ്ഡില് ഡയറിയും തിരിച്ചറിയല് രേഖകളും പിടിച്ചെടുത്തു.
