പരപ്പനങ്ങാടി പൊന്നാനി കെ.എസ്.ആര്‍.ടി.സി ഓര്‍ഡിനറി സര്‍വിസ് ചൊവ്വാഴ്ച മുതല്‍ ആരംഭിക്കും

താനൂര്‍: തീരദേശ പാത വഴി പരപ്പനങ്ങാടി പൊന്നാനി കെ.എസ്.ആര്‍.ടി.സി ഓര്‍ഡിനറി സര്‍വിസ് ചൊവ്വാഴ്ച മുതല്‍ ആരംഭിക്കും. താനൂര്‍പരപ്പനങ്ങാടി തീരദേശ മേഖലകളെ ബന്ധിപ്പിച്ച് നിര്‍മാണം പൂര്‍ത്തിയാക്കിയ താനൂര്‍ ഒട്ടുംപുറം പാലം വഴിയായിരിക്കും ബസുകള്‍ സര്‍വിസ് നടത്തുക. കായിക, ഫിഷറീസ് വകുപ്പ് മന്ത്രിയും താനൂര്‍ എം.എല്‍.എയുമായ വി.അബ്ദുറഹ്മാന്റെ ശ്രമഫലമായാണ് സര്‍വിസുകള്‍ ആരംഭിക്കുന്നത്. മലപ്പുറം, പൊന്നാനി ഡിപ്പോകളാണ് സര്‍വിസുകള്‍ ഓപറേറ്റ് ചെയ്യുക. മലപ്പുറം ഡിപ്പോ രണ്ടും പൊന്നാനി സബ്ഡിപ്പോ ഒരു സര്‍വിസുമായിരിക്കും തീരദേശ വഴി ഓടിക്കുക.

താനൂര്‍ ജംങ്ഷനിലും ബസ് സ്റ്റാന്‍ഡിലും കയറാതെ പൂര്‍ണമായും തീരദേശ വഴിയായിരിക്കും ബസുകള്‍ സര്‍വിസ് നടത്തുക.മലപ്പുറത്ത് നിന്നും പുലര്‍ച്ചെ 5ന് പുറപ്പെട്ട് 6:20ന് പരപ്പനങ്ങാടിയിലെത്തും.ശേഷം പരപ്പനങ്ങാടിയില്‍ നിന്നും രാവിലെ 6:30ന് സദ്ധാംബീച്ച്ഒട്ടുംപുറം പാലംതാനൂര്‍ ടൗണ്‍(വാഴക്കാത്തെരു) ഉണ്യാല്‍പറവണ്ണമലയാളം യൂ.സിറ്റി കൂട്ടായിമംഗലംആലിങ്ങല്‍ചമ്രവട്ടംപാലം എന്നിങ്ങനെ തീരദേശപാത വഴി പൊന്നാനിയിലേക്ക് പുറപ്പെടും. 8:25ന് പൊന്നാനിയിലെത്തുന്ന ബസ്, 8:45 ന് തീരദേശപാത വഴി പരപ്പനങ്ങാടിയിലേക്ക് തിരിക്കും. 10:40 ന് പരപ്പനങ്ങാടി എത്തിയ ശേഷം ബസ് മഞ്ചേരിയിലേക്ക് പോകും.പൊന്നാനി സബ് ഡിപ്പോയുടെ ബസ് വൈകീട്ട് 5:15 നാണ് പൊന്നാനിയില്‍ നിന്നും പുറപ്പെടുക. തീരദേശ പാത വഴി രാത്രി 7:15 പരപ്പനങ്ങാടിയിലെത്തുന്ന ബസ്, താനൂര്‍വട്ടത്താണിതിരൂര്‍ പ്രധാന റോഡ് വഴി പൊന്നാനിയിലേക്ക് തിരിക്കും.

വര്‍ഷങ്ങള്‍ക്ക് മുമ്പ് കൂട്ടായിതിരൂര്‍ റൂട്ടില്‍ കെ.എസ്.ആര്‍.ടി.സി സര്‍വിസ് നടത്തിയിരുന്നെങ്കിലും താനൂര്‍, പരപ്പനങ്ങാടി തീരദേശ മേഖലകളിലൂടെ ആദ്യമായാണ് കെ.എസ്.ആര്‍.ടി.സി സര്‍വിസ് നടത്താന്‍ പോകുന്നത്.ഒട്ടുംപുറം പാലം വഴി പുതിയ ബസുകള്‍ സര്‍വീസ് നടത്താന്‍ പോകുന്നതിന്റെ ആഹ്ലാദത്തിലാണ് തീരദേശവാസികള്‍.

നിലവില്‍ ഒട്ടുംപുറം പാലം വഴി പരപ്പനങ്ങാടിയിലേക്ക് ബസുകളൊന്നും തന്നെ സര്‍വിസില്ല.
ഇനി രണ്ടും മൂന്നും വാഹനങ്ങള്‍ മാറി കയറാതെയും കൂടുതല്‍ സമയം ചെലവഴിക്കാതെയും യാത്ര ചെയ്യാം എന്ന ആശ്വാസത്തിലാണ് തീരദേശവാസികള്‍.
പടിഞ്ഞാറേക്കരയിലെ ജങ്കാര്‍ സര്‍വിസ് നിലച്ചിട്ട് മാസങ്ങളായതിനാല്‍ കൂട്ടായിപൊന്നാനി ഭാഗങ്ങളില്‍ നിന്നും ഇരുകരകളിലേക്ക് പോകേണ്ട യാത്രക്കാര്‍ക്കും ഈ സര്‍വീസ് ഏറെ അനുഗ്രഹമായേക്കും.

spot_img

Related news

തിരൂരില്‍ തോണി മറിഞ്ഞു കാണാതായ രണ്ടുപേരുടെ കൂടി മൃതദേഹം കണ്ടെത്തി

മലപ്പുറം : തിരൂരില്‍ തോണി മറിഞ്ഞു കാണാതായ രണ്ടുപേരുടെ കൂടി മൃതദേഹം...

എ.പി.മുഹമ്മദ് മുസ്‍ലിയാർ കാന്തപുരം അന്തരിച്ചു

പ്രമുഖ ഇസ്‍ലാം മതപണ്ഡിതനും സമസ്ത കേരള ജംഇയ്യത്തുൽ ഉലമ സെക്രട്ടറിയുമായ എ.പി.മുഹമ്മദ്...

മലയാളി യുവാവ് സൗദിയില്‍ താമസ സ്ഥലത്ത് അന്തരിച്ചു

മലയാളി യുവാവ് സൗദിയില്‍ താമസ സ്ഥലത്ത് അന്തരിച്ചു. മലപ്പുറം കൊണ്ടോട്ടി ഒളവട്ടൂര്‍...

പാണ്ടിക്കാട്  ഭർത്താവിന്റെ ആസിഡ് ആക്രമണത്തിൽ പരിക്കേറ്റ യുവതി മരിച്ചു

മലപ്പുറം : മലപ്പുറം പാണ്ടിക്കാട്  ഭർത്താവിന്റെ ആസിഡ് ആക്രമണത്തിൽ പരിക്കേറ്റ യുവതി മരിച്ചു....

വിദ്യാര്‍ത്ഥിനികള്‍ക്കെതിരെ ലൈംഗികാതിക്രമം; മലപ്പുറത്ത്‌ അധ്യാപകന്‍ അറസ്റ്റില്‍

മലപ്പുറം: വിദ്യാര്‍ത്ഥിനികള്‍ക്കെതിരെ ലൈംഗികാതിക്രമം നടത്തിയെന്ന പരാതിയില്‍ അധ്യാപകന്‍ അറസ്റ്റില്‍. മലപ്പുറം വേങ്ങര...

LEAVE A REPLY

Please enter your comment!
Please enter your name here