പശ്ചിമ ബംഗാളിൽ അധികാരമേറ്റതിന് പിന്നാലെ വിവാദ ഉത്തരവുകളും കർശന നടപടികളുമായി സുവേന്ദു അധികാരി സർക്കാർ. തെരുവുകളിലെ നിസ്കാരത്തിനും പൊതു പ്രാർത്ഥനകൾക്കും നിരോധനം ഏർപ്പെടുത്തുമെന്ന് ബിജെപി എംഎൽഎ അർജുൻ സിങ് വ്യക്തമാക്കി. തിരഞ്ഞെടുപ്പ് വാഗ്ദാനങ്ങൾ ഒന്നൊന്നായി നടപ്പാക്കുന്നതിന്റെ ഭാഗമായാണ് പുതിയ നീക്കം.
1. “നിസ്കാരം പള്ളികളിൽ മതി” തെരുവുകളിൽ പ്രാർത്ഥനകളും നിസ്കാരവും അനുവദിക്കില്ലെന്ന് അർജുൻ സിങ് ഇന്ത്യ ടുഡേയ്ക്ക് നൽകിയ അഭിമുഖത്തിൽ ആവർത്തിച്ചു. “അവർ പള്ളികളിൽ പ്രാർത്ഥിക്കട്ടെ, തെരുവുകളിൽ വേണ്ട. ഇത്തരം ഒത്തുചേരലുകൾ പൊതുജനങ്ങൾക്ക് തടസ്സമാണ്” എന്നും അദ്ദേഹം കൂട്ടിച്ചേർത്തു. കോടതി ഉത്തരവുകളെ അടിസ്ഥാനമാക്കിയാണ് ഈ തീരുമാനമെന്നാണ് സർക്കാരിന്റെ വിശദീകരണം.
2. റെഡ് റോഡിലെ നിയന്ത്രണങ്ങൾ കൊൽക്കത്തയിലെ റെഡ് റോഡിൽ ഈദ് നിസ്കാരത്തിന് മുൻപ് അനുമതി നിഷേധിച്ചത് വലിയ വിവാദമായിരുന്നു. സൈനിക ആവശ്യങ്ങൾ ചൂണ്ടിക്കാട്ടിയായിരുന്നു അന്ന് നിയന്ത്രണം ഏർപ്പെടുത്തിയത്. ഇപ്പോൾ സർക്കാർ തലത്തിൽ തന്നെ തെരുവുകളിലെ പ്രാർത്ഥനകൾക്ക് വിലക്ക് ഏർപ്പെടുത്തുന്നത് സംസ്ഥാനത്ത് വലിയ രാഷ്ട്രീയ വാഗ്വാദങ്ങൾക്ക് വഴിവെച്ചിരിക്കുകയാണ്.
3. കന്നുകാലി കടത്തിന് കടുത്ത പൂട്ട് മതപരമായ ഒത്തുചേരലുകൾക്ക് പുറമെ കന്നുകാലി കടത്തിനെതിരെയും സർക്കാർ കടുത്ത നിലപാടാണ് സ്വീകരിക്കുന്നത്.
- സംസ്ഥാനത്തെ എല്ലാ അനധികൃത കന്നുകാലി മാർക്കറ്റുകളും നിരോധിച്ചു.
- അതിർത്തി ജില്ലകളിൽ കള്ളക്കടത്ത് തടയാൻ നിരീക്ഷണം ശക്തമാക്കി.
- കന്നുകാലി കടത്തിന് പിന്നിൽ തൃണമൂൽ കോൺഗ്രസ് ആണെന്നാണ് ബിജെപിയുടെ ആരോപണം.
4. ക്രമസമാധാനം മുഖ്യം കല്ലേറ് ഉൾപ്പെടെയുള്ള അക്രമ സംഭവങ്ങൾക്കെതിരെ വിട്ടുവീഴ്ചയില്ലാത്ത നടപടി സ്വീകരിക്കാൻ മുഖ്യമന്ത്രി സുവേന്ദു അധികാരി ഉദ്യോഗസ്ഥർക്ക് നിർദേശം നൽകി. അനധികൃത പ്രവർത്തനങ്ങൾ അടിച്ചമർത്താനാണ് മന്ത്രിസഭാ യോഗത്തിലെ തീരുമാനം.
