വളാഞ്ചേരി: തെരുവിൽ ഒറ്റപ്പെട്ടുപോകുന്നവർക്ക് ആശ്വാസമേകാൻ ടീം വളാഞ്ചേരി നടത്തുന്ന ജീവകാരുണ്യ പ്രവർത്തനങ്ങൾക്ക് കരുത്തേകി MX വെഡിങ് സെന്റർ. തെരുവിൽ നിന്ന് ടീം വളാഞ്ചേരി ഏറ്റെടുക്കുന്നവർക്ക് ആവശ്യമായ വസ്ത്രങ്ങൾ സൗജന്യമായി നൽകുമെന്ന വാഗ്ദാനം പ്രവൃത്തി പഥത്തിൽ എത്തിച്ചിരിക്കുകയാണ് MX മാനേജ്മെന്റ്.
കഴിഞ്ഞദിവസം തെരുവിൽ അവശനായി കണ്ടെത്തിയ സുരേന്ദ്രൻ എന്ന സഹോദരനെ ടീം വളാഞ്ചേരി ഏറ്റെടുത്തിരുന്നു. ഇദ്ദേഹത്തിന് ആവശ്യമായ വസ്ത്രങ്ങൾ MX വെഡിങ് സെന്റർ സന്തോഷപൂർവ്വം കൈമാറി. വസ്ത്രങ്ങൾ ഏറ്റുവാങ്ങിയ ശേഷം ടീം വളാഞ്ചേരി പ്രവർത്തകർ സുരേന്ദ്രനെ സുരക്ഷിതമായി തൃശൂരിലെ തണൽവീട്ടിലേക്ക് മാറ്റി.
സേവനവഴികളിൽ താങ്ങായി നിൽക്കുന്ന MX വെഡിങ് സെന്റർ മാനേജ്മെന്റിന് ടീം വളാഞ്ചേരി ഹൃദയം നിറഞ്ഞ നന്ദി അറിയിച്ചു. നമ്മുടെ ചെറിയ കൈതാങ്ങുകൾ മറ്റുള്ളവരുടെ ജീവിതത്തിൽ വലിയ വെളിച്ചമാകുമെന്നും നന്മയുടെ ഈ യാത്രയിൽ എല്ലാവരുടെയും പിന്തുണ തുടരണമെന്നും ടീം വളാഞ്ചേരി ഭാരവാഹികൾ പറഞ്ഞു.
