ഫോര്‍ബ്‌സ് ഇന്ത്യാ സമ്പന്നരുടെ പട്ടികയില്‍ മുകേഷ് അംബാനി ഒന്നാം സ്ഥാനത്ത്; ഗൗതം അദാനി രണ്ടാമത്‌

ഇന്ത്യയിലെ ഈ വര്‍ഷത്തെ അതിസമ്പന്നരുടെ പട്ടിക ഫോര്‍ബ്‌സ് പുറത്തിറക്കി. റിലയന്‍സ് ഇന്‍ഡസ്ട്രീസ് ചെയര്‍മാന്‍ മുകേഷ് അംബാനി പട്ടികയിലെ ഒന്നാം സ്ഥാനം തിരിച്ചുപിടിച്ചു. അദാനി ഗ്രൂപ്പ് ചെയര്‍മാന്‍ ഗൗതം അദാനിയെ മറികടന്നാണ് നേട്ടം. നിലവില്‍ പട്ടികയില്‍ രണ്ടാം സ്ഥാനത്താണ് അദാനി. ഓഗസ്റ്റില്‍ തന്റെ മൂന്ന് മക്കളെ റിലയന്‍സിന്റെ ബോര്‍ഡിലെ നോണ്‍ എക്‌സിക്യൂട്ടീവ് ഡയറക്ടര്‍മാരായി നിയമിച്ചുകൊണ്ട് അംബാനി തന്റെ പിന്തുടര്‍ച്ചാവകാശവും ഉറപ്പിച്ചിരുന്നു.

അംബാനിയെ മറികടന്ന് കഴിഞ്ഞ വര്‍ഷം ആദ്യമായി ഇന്ത്യയിലെ ഏറ്റവും ധനികനായ വ്യക്തിയായി ഗൗതം അദാനി തിരഞ്ഞെടുക്കപ്പെട്ടിരുന്നു. ജനുവരിയിലെ ഹിന്‍ഡന്‍ബര്‍ഗ് റിസര്‍ച്ച് റിപ്പോര്‍ട്ടിനു ശേഷം അദാനി ഗ്രൂപ്പിന്റെ ഓഹരികള്‍ ഇടിഞ്ഞത് അദ്ദേഹത്തിന് തിരിച്ചടിയായി. ‘അദാനിയുടെ കുടുംബം കൂടി ഉള്‍പ്പെടുന്ന അദ്ദേഹത്തിന്റെ ആകെ ആസ്തി 82 ബില്യണ്‍ ഡോളറില്‍ നിന്ന് 68 ബില്യണ്‍ ഡോളറായി കുറഞ്ഞു. അങ്ങനെ അദ്ദേഹം രണ്ടാം സ്ഥാനത്തേക്ക് പിന്തള്ളപ്പെട്ടു,’ എന്നും ഫോബ്‌സ് റിപ്പോര്‍ട്ട് ചൂണ്ടിക്കാട്ടി. വ്യവസായിയായ ശിവ് നാടാര്‍ ആണ് മൂന്നാം സ്ഥാനത്ത്. എച്ച്‌സിഎല്‍ ടെക്‌നോളജീസിന്റെ ഓഹരികള്‍ കഴിഞ്ഞ വര്‍ഷം 42 ശതമാനം കുതിച്ചുയര്‍ന്നതോടെയാണ്, 29.3 ബില്യണ്‍ ഡോളര്‍ ആസ്തിയുമായി സോഫ്റ്റ്‌വെയര്‍ വ്യവസായിയായ ശിവ് നാടാര്‍ രണ്ട് സ്ഥാനങ്ങള്‍ മെച്ചപ്പെടുത്തി മൂന്നാം സ്ഥാനത്തേക്ക് തിരിച്ചെത്തിയത്.

‘പവര്‍ ആന്‍ഡ് സ്റ്റീല്‍ കമ്പനിയായ ഒ.പി. ജിന്‍ഡാല്‍ ഗ്രൂപ്പിന്റെ ചെയര്‍പേഴ്‌സണ്‍ സാവിത്രി ജിന്‍ഡാല്‍, 24 ബില്യണ്‍ ഡോളര്‍ ആസ്തിയുമായി പട്ടികയില്‍ നാലാം സ്ഥാനത്താണ്. അഞ്ചാം സ്ഥാനത്ത് എത്തിയിരിക്കുന്നത് അവന്യൂ സൂപ്പര്‍മാര്‍ട്ട് തലവന്‍ രാധാകിഷന്‍ ദമാനിയാണ്, അദ്ദേഹത്തിന്റെ ആസ്തി മുന്‍പത്തെ 27.6 ബില്യണ്‍ ഡോളറില്‍ നിന്ന് 23 ബില്യണ്‍ ഡോളറായി കുറഞ്ഞു’, എന്നും ഫോബ്‌സ് റിപ്പോര്‍ട്ടില്‍ പറയുന്നു.

spot_img

Related news

2024 ലോക്‌സഭാ തിരഞ്ഞെടുപ്പ് കഴിഞ്ഞാല്‍ നരേന്ദ്രമോദി പ്രധാനമന്ത്രിയാകില്ല: രാഹുല്‍ ഗാന്ധി

ന്യൂഡല്‍ഹി: 2024 ലോക്‌സഭാ തിരഞ്ഞെടുപ്പ് കഴിഞ്ഞാല്‍ നരേന്ദ്രമോദി പ്രധാനമന്ത്രിയാകില്ലെന്ന് കോണ്‍ഗ്രസ് നേതാവ്...

ലോക്സഭാ തെര‍ഞ്ഞെടുപ്പ് തിയ്യതി പ്രഖ്യാപിച്ചു,7 ഘട്ടങ്ങളിൽ വോട്ടെടുപ്പ്, കേരളത്തിൽ ഏപ്രിൽ 26 ന്

രാജ്യം പൊതുതെരഞ്ഞെടുപ്പിലേക്ക്. ആകാംക്ഷകൾക്ക് വിരാമമിട്ട് 543 ലോക്സഭാമണ്ഡലങ്ങളിലേയ്ക്കുള്ള വോട്ടെടുപ്പിന്റെ തിയ്യതി തെരഞ്ഞെടുപ്പ് കമ്മീഷൻ പ്രഖ്യാപിച്ചു....

റോട്ട് വീലര്‍, അമേരിക്കന്‍ ബുള്‍ഡോഗ്, പിറ്റ്ബുള്‍ ടെറിയര്‍ തുടങ്ങിയ നായക്കളുടെ ഇറക്കുമതിയും വില്‍പ്പനയും കേന്ദ്രം നിരോധിച്ചു

 റോട്ട്വീലര്‍, അമേരിക്കന്‍ ബുള്‍ഡോഗ്, പിറ്റ്ബുള്‍ ടെറിയര്‍ തുടങ്ങി ഇരുപതില്‍ കൂടുതല്‍ നായകളുടെ...

‘ജനങ്ങളെ വിഭജിക്കാനും വര്‍ഗീയ വികാരം കുത്തിയിളക്കാനും ലക്ഷ്യമിട്ട്’; പൗരത്വ നിയമ ഭേദഗതി കേരളത്തില്‍ നടപ്പാക്കില്ലെന്ന് മുഖ്യമന്ത്രി

തെരഞ്ഞെടുപ്പ് മുന്‍നിര്‍ത്തി പൗരത്വ ഭേദഗതി നിയമത്തിന്റെ ചട്ടങ്ങള്‍ വിജ്ഞാപനം ചെയ്ത കേന്ദ്ര...

ഫേസ്ബുക്കും ഇൻസ്റ്റഗ്രാമും പണിമുടക്കി

മെറ്റയുടെ സമൂഹമാധ്യമ പ്ലാറ്റ്ഫോമുകളായ ഫേസ്ബുക്കും ഇൻസ്റ്റഗ്രാമും പണിമുടക്കി. ഫോണുകളിലും കമ്പ്യൂട്ടറുകളിലും അക്കൗണ്ടുകൾ...