കാസര്‍കോട് ഉദുമ അരമങ്ങാനത്ത് അമ്മയേയും അഞ്ചു വയസ്സുള്ള മകളേയും കിണറ്റില്‍ മരിച്ച നിലയില്‍ കണ്ടെത്തി. ഉദുമ സ്വദേശി റുബീന (30), മകള്‍ അനാന മറിയം (5) എന്നിവരെയാണ് മരിച്ച നിലയില്‍ കണ്ടെത്തിയത്. ആത്മഹത്യയെന്നാണ് പ്രാഥമിക നിഗമനം.
ഇന്ന് പുലര്‍ച്ചെ മുതല്‍ ഇവരെ കാണാനില്ലാത്തതിനെ തുടര്‍ന്ന് നടത്തിയ തിരച്ചിലിനൊടുവിലാണ് അയല്‍വാസിയുടെ കിണറില്‍ മരിച്ച നിലയില്‍ കണ്ടെത്തിയത്. കിണറിനടുത്ത് ഇവരുടെ ചെരിപ്പ് കണ്ട് സംശയം തോന്നിയ നാട്ടുകാര്‍ മേല്‍പറമ്പ് പൊലീസിനെ വിവരമറിയിക്കുകയുമായിരുന്നു. മേല്‍പറമ്പ് പൊലീസും ഫയര്‍ഫോഴ്‌സും സ്ഥലത്തെത്തി നടത്തിയ പരിശോധനയില്‍ മൃതദേഹം കിണറിനകത്തുണ്ടെന്ന് കണ്ടുത്തുകയായിരുന്നു. പിന്നീട് കിണറില്‍ നിന്ന് മൃതദേഹം പുറത്തെടുക്കുകയായിരുന്നു.
