മലയാള സിനിമാ ആസ്വാദകര്‍ ആകാംക്ഷയോടെ കാത്തിരിക്കുന്ന മലൈ കോട്ടൈ വാലിപന്റെ ഡീസല്‍ പുറത്തിറങ്ങി. ലിജോ ജോസ് പല്ലിശ്ശേരിയും മോഹന്‍ലാലും ആദ്യമായി ഒരുമിക്കുന്ന സിനിയാണ് മലൈ കോട്ടൈ വാലിപന്‍. മോഹന്‍ലാലിന്റെ പിറന്നാള്‍ ദിവസമാണ് ടീസര്‍ പുറത്തു വിട്ടത്. ലിജോ ജോസ് പല്ലിശ്ശേരിയുടെ സിനിമകളിലെ ബിഗ് ബജറ്റ് സിനിമയായിരിക്കും മലയിക്കോട്ടെ വാലിപന്‍. രാജസ്ഥാനിലെ ചിത്രീകരണം പൂര്‍ത്തിയാക്കിയ സിനിമയുടെ ബാക്കി ഭാഗങ്ങളുടെ ചിത്രീകരണം നിലവില്‍ ചെന്നൈയില്‍ പുരോഗമിക്കുകയാണ്. പ്രശാന്ത് പിള്ള സംഗീത സംവിധാനവും, മധു നീലകണ്ഠന്‍ ചായഗ്രഹണവും നിര്‍വഹിക്കുന്ന സിനിമയില്‍ റോണക്‌സ് സേവിയറാണ് വസ്ത്രാലങ്കാരം കൈകാര്യം ചെയ്യുന്നത്. പ്രശസ്ത മറാത്തി സിനിമ താരം ഷോണാലി കുല്‍ക്കര്‍ണ്ണി അഭിനയിക്കുന്ന സിനിമയില്‍ ഹരീഷ് പേരടി, മണികണ്ഠന്‍ ആചാരി, രാജീവ് പിള്ള തുടങ്ങിയവരും പ്രധാന കഥാപാത്രങ്ങളായി എത്തുന്നു. ഷിബു ബേബി ജോണ്‍ ആണ് സിനിമയുടെ നിര്‍മ്മാണം നിര്‍വഹിക്കുന്നത്.
