ആളുകള് സ്വകാര്യ ബസിനു മുകളില് കയറി യാത്ര ചെയ്ത സംഭവത്തില് മോട്ടര് വാഹന വകുപ്പ് അന്വേഷണം തുടങ്ങി. ബസ് ജീവനക്കാരും ഉടമയും നാളെ ചേവായൂര് എന്ഫോഴ്സ്മെന്റ് ഓഫിസില് ഹാജരാകാന് നിര്ദേശിച്ചതായി എന്ഫോഴ്സ്മെന്റ് ആര്ടിഒ കെ.ബിജുമോന് അറിയിച്ചു.
3 പേര്ക്കും കാരണം കാണിക്കല് നോട്ടിസ് നല്കും. തുടര്ന്നു െ്രെഡവറുടെയും കണ്ടക്ടറുടെയും ലൈസന്സ് സസ്പെന്ഡ് ചെയ്യുന്നതിനും നോട്ടിസ് നല്കുമെന്നും എന്ഫോഴ്സ്മെന്റ് ആര്ടിഒ അറിയിച്ചു. കോഴിക്കോട് – ബാലുശ്ശേരി – കിനാലൂര് റൂട്ടിലോടുന്ന ബസിന്റെ മുകളില് കയറിയാണ് ഏതാനും പേര് യാത്ര ചെയ്തത്. ഈ ദൃശ്യങ്ങള് സമൂഹ മാധ്യമങ്ങളില് പ്രചരിച്ചിരുന്നു.
ദൃശ്യങ്ങള് ശ്രദ്ധയില്പെട്ട മോട്ടര് വാഹന വകുപ്പ് ഉദ്യോഗസ്ഥര് അന്വേഷണം നടത്തുകയായിരുന്നു. ബസിന്റെ വാതിലുകളിലും കമ്പിയിലും തൂങ്ങി ഒട്ടേറെ പേര് യാത്ര ചെയ്യുന്നതും ദൃശ്യത്തില് വ്യക്തമാണ്. ബസിന്റെ പിന്നില് സഞ്ചരിച്ച ആരോ പകര്ത്തിയതാണ് ഈ ദൃശ്യങ്ങള്.കഴിഞ്ഞ രാത്രി കാരപ്പറമ്പ് മുതല് ഹോമിയോ കോളജ് സ്റ്റോപ്പ് വരെയുള്ള ഭാഗത്തെ ദൃശ്യങ്ങളാണ് ഇതെന്ന് അധികൃതര് സ്ഥിരീകരിച്ചിട്ടുണ്ട്.
ഹോമിയോ കോളജ് സ്റ്റോപ്പില് വച്ച് ഒരാള് നേരെ കോണി കയറി ബസിനു മുകളിലേക്കു പോകുന്നതു കാണാം. ഈ ബസിനു മുന്പ് പോകേണ്ട 2 ബസുകള് ഓടാതിരുന്നതിനാല് യാത്രക്കാരുടെ വലിയ തിരക്ക് ഉണ്ടായിരുന്നതായും 4 പേര് മുകളില് കയറിയത് ശ്രദ്ധയില്പെട്ടതോടെ ഇവരെ ബസിന്റെ ഉള്ളിലേക്കു കയറ്റിയതായും ജീവനക്കാര് അധികൃതരെ അറിയിച്ചിട്ടുണ്ട്.
