സംസ്ഥാനത്ത് അടുത്ത അഞ്ച് ദിവസം മഴ തുടരാന് സാധ്യതയെന്ന് കേന്ദ്രകാലാവസ്ഥാ വകുപ്പിന്റെ മുന്നറിയിപ്പ്. വടക്കന് ഒഡിഷക്ക് മുകളിലായി സ്ഥിതി ചെയ്യുന്ന ശക്തി കൂടിയ ന്യൂനമര്ദം അടുത്ത രണ്ടു ദിവസം കൊണ്ട് ഛത്തീസ്ഗഡ് കിഴക്കന് മധ്യപ്രദേശ് മേഖലയിലേക്ക് നീങ്ങാന് സാധ്യതയുണ്ടെന്ന് മുന്നറിയിപ്പുണ്ട്.
തെക്ക് കിഴക്കന് ഉത്തര്പ്രദേശിനും വടക്ക് കിഴക്കന് മധ്യപ്രദേശിനും മുകളിലായി ചക്രവാതചുഴിയും നിലനില്ക്കുന്നുണ്ട്. ഇതിന്റെ ഫലമായി കേരളത്തില് അടുത്ത 5 ദിവസം മഴയ്ക്ക് സാധ്യതയുണ്ടെന്നാണ് പ്രവചനം. ഇടിമിന്നലോട് കൂടിയ മഴയ്ക്കുള്ള സാധ്യതയാണ് പ്രവചിച്ചിട്ടുള്ളത്.
