പെരിന്തല്മണ്ണ : വിനോദയാത്രക്കാര്ക്ക് കുറഞ്ഞചെലവില് പ്രത്യേക വിനോദയാത്രകളൊരുക്കി ശ്രദ്ധനേടിയ കെ.എസ്.ആര്.ടി.സി. പെരിന്തല്മണ്ണ ഡിപ്പോ ആലപ്പുഴയിലേക്കും
ആദ്യമായി യാത്ര സംഘടിപ്പിക്കുന്നു. 12-ന് പുലര്ച്ചെ അഞ്ചിന് പെരിന്തല്മണ്ണ ഡിപ്പോയില്നിന്നാണ് യാത്ര പുറപ്പെടുന്നത്.
പുന്നമടക്കായല്-വേമ്പനാട്ട് കായല്-മുഹമ്മ-കുമരകം-പാതിരാമണല്-മാര്ത്താണ്ഡം-ചിത്തിര-ആലപ്പുഴ എന്നിവിടങ്ങളിലൂടെയുള്ള അഞ്ച് മണിക്കൂര് ബോട്ട് യാത്രയാണ് പ്രധാന ആകര്ഷണം
തുടര്ന്ന് ആലപ്പുഴ ബീച്ചും ആലപ്പുഴ ഫ്ളൈ ഓവറും സന്ദര്ശിക്കും. ബോട്ടിങ്ങ് ചെലവ് അടക്കം ഒരാള്ക്ക് 1,250 രൂപയാണ് നിരക്ക്. ഭക്ഷണച്ചെലവ് സ്വന്തമായി വഹിക്കണം.
13-ന് പുലര്ച്ചയോടെ പെരിന്തല്മണ്ണയില് തിരിച്ചെത്തും. പെരിന്തല്മണ്ണ ഡിപ്പോയില് വിനോദയാത്രകള്ക്കായി പ്രത്യേക സജ്ജീകരണങ്ങളോടെ സ്ഥിരം ബസും തയ്യാറാക്കിയിട്ടുണ്ട്.
എല്ലാ തിങ്കളാഴ്ചയും മൂന്നാറിലേക്കും ശനിയാഴ്ച മലക്കപ്പാറയിലേക്കും പ്രത്യേക യാത്രകളുണ്ട്. ബുക്കിങ്ങിന്-9048848436, 9544088226, 9745611975..
