ഡല്‍ഹി ബിരുദപ്രവേശനത്തിന് ദേശീയതല പൊതുപരീക്ഷ മാനദണ്ഡമായതോടെ ഡല്‍ഹിയിലെ കോളേജുകളില്‍ പ്രവേശനം നേടുന്ന കേരള സിലബസില്‍ പഠിച്ച വിദ്യാര്‍ഥികളുടെ എണ്ണം നാലിലൊന്നായി കുറഞ്ഞു. ഡല്‍ഹിയിലെ പ്രധാന സര്‍വകലാശകളില്‍ ഓരോ വര്‍ഷവും കേരളത്തില്‍ നിന്ന് അയ്യായിരത്തിലേറെ വിദ്യാര്‍ഥികള്‍ സീറ്റ് നേടിയിരുന്നു. ഇക്കുറി ക്ലാസുകള്‍ തുടങ്ങിയപ്പോള്‍ പ്രവേശനം നേടിയത് ആയിരത്തില്‍ താഴേപ്പേര്‍ മാത്രമാണ്. കേരളസിലബസില്‍ പഠിച്ച വിദ്യാര്‍ഥികള്‍ പ്രധാനമായും ഡല്‍ഹി, അംബേദ്കര്‍, ജാമിയ മിലിയ എന്നീ സര്‍വകലാശാലകളിലാണ് പ്രവേശനം നേടാറുള്ളത്. ഇക്കുറി സിബിഎസ് ഇക്കാര്‍ നേട്ടമുണ്ടാക്കി. കട്ട് ഓഫ് മാര്‍ക്കായിരുന്നു ഡല്‍ഹി സര്‍വകലാശാലകളില്‍ മുന്‍വര്‍ഷങ്ങളിലെ പ്രവേശനത്തിന് മാനദണ്ഡം. ഈ വര്‍ഷം പൊതു പരീക്ഷയിലെ മാര്‍ക്ക് മാത്രമാണ് അടിസ്ഥാനമാക്കിയത്.
